ខេត្តសៀមរាប ៖ បុរស់ជនជាតិព័រទុយហ្គាល់ម្នាក់់ត្រូវបានគេប្រទះឃើញដេកស្លាប់ផ្កាប់មុខនៅក្បែរស៊ីទែនទឹកជាន់លើនៃផ្ទះល្វែងជួលមួយកន្លែងក្នុងភូមិវត្ដស្វាយ សង្កាត់សាលាកំរើកក្រុងសៀមរាប កាលពីវេលាម៉ោង៨យប់ថ្ងៃទី១៩ មករា ២០១២ កន្លងទៅ ដែលសង្ស័យឆក់ចរន្តអគ្គិសនីពីម៉ូទ័របូមទឹក ព្រោះគេឃើញទឹកហៀរពីសីុទែនហើយទ្វារផ្ទះបានបិទជិតពីក្នុង។
ក្រុមអ្នកជំនាញពិនិត្យសពបានធ្វើការសន្និដ្ឋានជាជំហានដំបូងថា ការស្លាប់របស់ជនរងគ្រោះមិនស្ថិតក្នុងអំពើឃាតកម្មទេ តែអាចបណ្ដាលមកពីឆក់ចរន្ដភ្លើងឆ្លងពីម៉ូទ័របូមទឹកអូតូ ម៉ាទិកមួយដែលដោតទុកចោលក្បែរស៊ីទែនទឹកនៅជាន់លើនៃផ្ទះល្វែងនោះ។ នាយរងការរិយាល័យអន្ដោប្រវេសន៍លោកវរសេនីយ៍ត្រី សេស រិទ្ធីយ៉ា ដែលបានចុះទៅដល់កន្លែងកើតហេតុបានថ្លែងថា បុរសបទេសដែលស្លាប់នោះមានឈ្មោះ Hagrandol Forios Ajueer អាយុ៥១ឆ្នាំ កាន់លិខិតឆ្លងដែនលេខ L506262 ចូលមកស្នាក់នៅក្នុងផ្ទះកើតហេតុដែលជាផ្ទះមិត្ដភក្តិគាត់បានរយៈពេលកន្លះខែមកហើយ ។
សមត្ថកិច្ចពុំបានបង្ហើបឱ្យដឹងពីអត្តសញ្ញាណម្ចាស់ផ្ទះទេ ហើយពេលកើតហេតុម្ចាស់ផ្ទះក៏ពុំបានស្ថិតនៅក្នុងផ្ទះជាមួយជនរងគ្រោះដែរ៕
ចែករំលែកព័តមាននេះ