រាជធានីភ្នំពេញ ៖ លោកខុង ស៊ាងហ៊ី ម្ចាស់សិប្បកម្មក្រឡឹងមួយបានជួលផ្ទះល្វែងមួយមានទីតាំងលេខ ៦៤Eo E1 ផ្លូវលេខ១៤៨ សង្កាត់ផ្សារកណ្តាលទី២ ខណ្ឌដូនពេញ បានប្តឹងទៅសាលាដំបូងរាជធានីភ្នំពេញ ពីឈ្មោះស៊ូ វ៉ៃ និងឈ្មោះកាំង ភិចយូ ជាប្រពន្ធ ពីបទក្បត់សេចក្តីទុកចិត្តដោយបោកយកប្រាក់អស់ជាង៩ម៉ឺនដុល្លារ ដោយមិនទាន់គិតថ្លៃការប្រាក់ឯកជនរាប់ឆ្នាំ
រាជធានីភ្នំពេញ ៖ លោកខុង ស៊ាងហ៊ី ម្ចាស់សិប្បកម្មក្រឡឹងមួយបានជួលផ្ទះល្វែងមួយមានទីតាំងលេខ៦៤Eo E1 ផ្លូវលេខ១៤៨ សង្កាត់ផ្សារកណ្តាលទី២ ខណ្ឌដូនពេញ បានប្តឹងទៅសាលាដំបូងរាជធានីភ្នំពេញ ពីឈ្មោះស៊ូ វ៉ៃ និងឈ្មោះកាំង ភិចយូ ជាប្រពន្ធ ពីបទក្បត់សេចក្តីទុកចិត្តដោយបោកយកប្រាក់អស់ជាង៩ម៉ឺនដុល្លារ ដោយមិនទាន់គិតថ្លៃការប្រាក់ឯកជនរាប់ឆ្នាំនៅឡើយទេ ។
លោកស៊ាង ហ៊ី ដែលហ៊ានឱ្យម្ចាស់ផ្ទះល្វែងឈ្មោះស៊ូ វ៉ៃ និងប្រពន្ធខ្ចីប្រាក់ដ៏ច្រើននេះ ព្រោះបាននិយាយគ្នារួចហើយថា នឹងកាត់យកផ្ទះល្វែងលេខ៦៤Eo E1 នេះនៅពេលក្រោយ ព្រោះខ្លួនលោកបានជួលផ្ទះនេះធ្វើសិប្បកម្មក្រឡឹងស្នាក់នៅហើយ ។
ច្រើនឆ្នាំកន្លងមក ឈ្មោះស៊ូ វៃ និងប្រពន្ធ មិនដែលបានមកអើតផ្ទះល្វែងនេះទេ ព្រោះយល់ថា ខ្លួនជំពាក់ប្រាក់មានតម្លៃស្មើផ្ទះល្វែងនេះ ទៅហើយដែរ ។ ក្រោយមកស្រាប់តែមានល្បិចខូចចង់ស៊ីដាច់ប្រាក់ខ្ចី និងការប្រាក់ផង បានទៅពឹងពាក់អង្គរក្សម្នាក់ឈ្មោះស៊ុន ហួរ ឱ្យជួយកាង ដោយធ្វើលិខិតផ្ទេរលក់ផ្ទះនេះដែលមានឈ្មោះស៊ុន ហួរ ជាអ្នកទិញ ដែលអ្នកច្បាប់កំពុងគិតថា ជាលិខិតសេះហោះ ដើម្បីគំរាមកម្លាដេញឈ្មោះស៊ាង ហ៊ី ឱ្យរើចេញពីផ្ទះលេខ៦៤Eo E1 នេះ ។
ប្រភពច្បាស់ការណ៍ឱ្យដឹងថា ផ្ទះល្វែងលេខ៦៤Eo E1 នេះត្រូវបានសាលាដំបូងរាជធានីភ្នំពេញចេញដីការក្សាការពារហាមឃាត់ការលក់ដូរ ផ្ទេរសិទ្ធិ ធ្វើអំណោយ ជួលបញ្ចាំ លេខ២២ចចុះថ្ងៃទី២៦ តុលា ឆ្នាំ២០១១ រួចរាល់ហើយ ដែលសាលាខណ្ឌ សង្កាត់ និងសាមីខ្លួនក៏បានទទួលអានដឹងឮផងដែរ ។ ដោយសារតែមានការឃុបឃិតគ្នាជាមួយឈ្មោះស៊ុន ហួរ ដែលអាងខ្លួនជាអង្គរក្ស បានធ្វើលិខិតមិនច្បាស់លាស់មួយ គ្មានហត្ថលេខា និងត្រា អាជ្ញាធរដឹងឮសោះ ដែលគេសង្ស័យថា ជាលិខិតទិញលក់ «សេះហោះ»ចុះថ្ងៃទី៣ មករា ឆ្នាំ២០១២ នេះ ទៅវិញ ធ្វើឱ្យមានការភ្ញាក់ផ្អើលពីអាជ្ញាធរ និងអ្នកពាក់ព័ន្ធគួរឱ្យកត់សម្គាល់ ។ ក្រោយពេលប្រឌិតរឿងទិញលក់ប្រឆាំងទៅនឹងដីកាសម្រេចរក្សាការពាររបស់សាលាដំបូងរួចមក ឈ្មោះស៊ុន ហួរ យកអំណាចទៅគំរាមដេញឈ្មោះខុង ស៊ាងហ៊ី ឱ្យរើសិប្បកម្មក្រឡឹងនេះចេញដែលទង្វើនេះធ្វើដូចស្រុកទេសអត់ច្បាប់ ។ តាមផ្លូវច្បាប់ ប្រសិនបើចិនកន្តាំងឈ្មោះស៊ូ វ៉ៃ ចង់បានផ្ទះល្វែងនេះវិញ គឺងាយស្រួលបំផុត ដោយយកប្រាក់កម្ចី និងការប្រាក់តាមការព្រមព្រៀងគ្នាជាមួយឈ្មោះខុង ស៊ាងហ៊ី ទៅសងគេ វាចប់ទៅហើយ មិនចាំបាច់ទៅពឹងពាក់ឈ្មោះស៊ុន ហួរ យកអំណាចអង្គរក្សមកកាងបែបនេះទេ នាំតែខូចឈ្មោះខូចអង្គភាពគេ។
ខាងក្រោមនេះ ជាពាក្យបណ្តឹងរបស់លោកខុង ស៊ាងហ៊ី ទៅសាលាដំបូងរាជធានីភ្នំពេញ ដែលកោះសន្តិភាពថតចម្លងទាំងស្រុងដូចខាងក្រោមនេះដែលយើងគិតថា សាលាដំបូងរាជធានីនឹងចាត់ការតាមផ្លូវច្បាប់យ៉ាងយុត្តិធម៌ជាមិនខាន ។
ចែករំលែកព័តមាននេះ