ទីភ្នាក់ងារព័ត៌មានបរទេសបានបង្ហាញឱ្យឃើញស្ត្រីម្នាក់កំពុងយកកម្រងផ្កាទៅដាក់នៅផ្នូរសពរបស់ទាហាន ដែលស្លាប់ក្នុងសង្គ្រាមនៅអ៊ីរ៉ាក់ និងអាហ្វហ្គានីស្ថាន នៅឯឈាបនដ្ឋានជាតិ «អាលីងតុន» សហរដ្ឋអាមេរិក ។ ក្នុងអំឡុងពេលចុងក្រោយនេះ កងទ័ពអាមេរិកបានបង្ហាញឱ្យដឹងពីរបាយការណ៍ដ៏គួរឱ្យតក់ស្លុតថា ក្នុងចំនួនផ្នូរសពសរុបជិត២៦០.០០០នៅឈាបនដ្ឋានជាតិអាលីងតុន ដែលស្ថិតនៅក្នុងរដ្ឋវៀរហ្សីនីញ៉ា នោះ មានប្រហែល១ភាគ៤ ឬផ្នូរប្រហែល៦៤.០០០ អាចមានការបញ្ចុះសពខុសឈ្មោះ ឬឈ្មោះផ្នូរមិនត្រូវនឹងឈ្មោះសពដែលបញ្ចុះ ហើយកងទ័ពអាមេរិកត្រូវធ្វើការត្រួតពិនិត្យឱ្យបានលម្អិតសាជាថ្មី ៕
ចែករំលែកព័តមាននេះ