ខេត្តកំពង់ឆ្នាំង ៖ ព្រឹកថ្ងៃទី២០ ធ្នូ កន្លងទៅនេះ ភ្នាក់ងារកោះសន្តិភាពបាននាំយកប្រាក់អំណោយទៅប្រគល់ជូនកុមារកំព្រា៤នាក់ ដែលឪពុកជាប់ពន្ធនាគារ ម្តាយស្លាប់ចោលដល់លំនៅឋានស្ថិតក្នុងភូមិថ្លុកជ្រៅ ឃុំអញ្ចាញរូង ស្រុកបរិបូរណ៍ ។ អំណោយខាងលើនេះ បានមកពីសប្បុរសជន១-លោកសេង សុធូ ព្រមទាំងក្រុមគ្រួសារចំនួន៣០ដុល្លារ ២-លោកសេង គី ផ្ទះលក់ជ្រូកខ្វៃនៅច្បារអំពៅ១ ខណ្ឌមានជ័យ រាជធានីភ្នំេពញ ចំនួន៣ម៉ឺនរៀល ។
គួរបញ្ជាក់ថា ក្រុមគ្រួសារនេះមានប្តីឈ្មោះអៀន អឿន អាយុ៤៤ឆ្នាំ ត្រូវបានតុលាការផ្តន្ទាទោសដាក់ពន្ធនាគាររយៈពេល១៥ឆ្នាំ ពីបទមនុស្សឃាត ហើយមកដល់ពេលនេះបាន៧ឆ្នាំ ហើយនៅសល់៨ឆ្នាំទៀត ។ ប៉ុន្តែជាអកុសល ប្រពន្ធឈ្មោះផាត់ ម៉ៅ អាយុ៤៤ឆ្នាំ បានស្លាប់ដោយសារខ្យល់គរកាលពីដើមខែវិច្ឆិកា បន្សល់ទុកកូនកំព្រា៤នាក់ ដែលកំពុងរស់នៅជាមួយជីដូនឈ្មោះជឹម ហ៊ីម អាយុ៧៤ឆ្នាំ ។ ថ្ងៃប្រគល់អំណោយ កូនស្រីច្បងមិននៅទេ បានទៅស៊ីឈ្នួលធ្វើចង្ក្រានឱ្យគេនៅភូមិអណ្តូងឫស្សី ។
ក្រោយពីបានទទួលអំណោយដ៏ថ្លៃថ្លារបស់សប្បុរសជននេះ កុមារកំព្រាទាំងនោះ បានថ្លែងអំណរគុណដល់សន្តានចិត្តសប្បុរសធម៌របស់សប្បុរសជនផងដែរ ៕ ឫទ្ធិសែន
ចែករំលែកព័តមាននេះ