ADផ្ទាំងផ្សព្វផ្សាយពាណិជ្ជកម្ម

Picture

JICAចាត់​ទុក​ថា​ការ​អ​ភិ​វឌ្ឍ​វិ​ស័យ​ច្បាប់ និង​តុលា​ការ​​ជា​អាទិ​ភាព​​សំខាន់

12 ឆ្នាំ មុន

រាជធានីភ្នំពេញ​​ ៖ ​យោង​តាម​សេច​ក្តី​ប្រ​កាស​ព័ត៌​មាន​ថ្ងៃ​ទី​១៤ កញ្ញា ​បាន​ឱ្យ​ដឹង​ថា ​ក្រ​សួង​យុត្តិ​ធម៌ និង​ទី​ភ្នាក់​ងារ​​​​​​ស​ហ​ប្រ​​តិ​បត្តិ​ការ​អន្តរ​ជាតិ​នៃ​ប្រ​ទេស​ជ​ ប៉ុន (JICA) ​ប្រ​ចាំ​នៅ​កម្ពុជា​បាន​និង​កំពុង​រៀប​ចំ​សិក្ខា​​សាលា​ផ្សព្វ​ផ្សាយ​​ស្តី ​អំពី​ក្រម​រដ្ឋ​ប្ប​វេណី នៅ​មជ្ឈ​មណ្ឌល​សហ​ប្រ​តិ​បត្តិ​ការ​កម្ពុជា​-​ជប៉ុន (CJCC) ចាប់​ពី​ថ្ងៃ​ទី​៩ ដល់​ថ្ងៃ​ទី​១៦ កញ្ញា ។

រាជធានីភ្នំពេញ​​ ៖ ​យោង​តាម​សេច​ក្តី​ប្រ​កាស​ព័ត៌​មាន​ថ្ងៃ​ទី​១៤ កញ្ញា ​បាន​ឱ្យ​ដឹង​ថា ​ក្រ​សួង​យុត្តិ​ធម៌ និង​ទី​ភ្នាក់​ងារ​​​​​​ស​ហ​ប្រ​​តិ​បត្តិ​ការ​អន្តរ​ជាតិ​នៃ​ប្រ​ទេស​ជ​ប៉ុន (JICA) ​ប្រ​ចាំ​នៅ​កម្ពុជា​បាន​និង​កំពុង​រៀប​ចំ​សិក្ខា​​សាលា​ផ្សព្វ​ផ្សាយ​​ស្តី​អំពី​ក្រម​រដ្ឋ​ប្ប​វេណី នៅ​មជ្ឈ​មណ្ឌល​សហ​ប្រ​តិ​បត្តិ​ការ​កម្ពុជា​-​ជប៉ុន (CJCC) ចាប់​ពី​ថ្ងៃ​ទី​៩ ដល់​ថ្ងៃ​ទី​១៦ កញ្ញា ។​ JICA ​បាន​ចាត់​ទុក​​ការ​អភិវឌ្ឍ​វ​ិស័យ​ច្បាប់ និង​តុលា​ការ​​ គឺ​​ជា​អា​ទិ​ភាព​មួយ​ដ៏​សំ​ខាន់ នៅ​ក្នុង​ចំណោម​វិ​ស័យ​​​អា​ទិ​ភាព​ដទៃ​ទៀត សម្រាប់​កិច្ច​សហ​ប្រ​តិ​បត្តិ​ការ​ នៅ​ប្រ​ទេស​កម្ពុជា​។

JICA ​បាន​និង​កំពុង​ធ្វើ​កិច្ច​ស​ហ​ប្រ​តិ​បត្តិ​ការ​​ជា​មួយ​ក្រ​សួង​យុត្តិ​ធម៌ជា​ង​មួយទសវត្ស​កន្លង​មក​ហើយ តាម​រយៈ​គម្រោង​អភិវឌ្ឍ​វិ​ស័យ​ច្បាប់ និង​តុលា​ការ​ដំណាក់​កាល​ទី​១​ដល់​ទី​៣ ដែល​ផ្តោត​ទៅ​លើ​​ការ​ធ្វើ​សេច​ក្តី​ព្រាង​ក្រម​រដ្ឋ​ប្ប​វេ​ណី និង​ក្រ​ម​នី​តិ​វិធី​រដ្ឋ​ប្ប​វេ​ណី​ ពង្រាង​ច្បាប់​បន្ទាប់​បន្សំ និង​ការ​ផ្សព្វ​ផ្សាយ​ច្បាប់​ទាំង​នេះ​។ ចាប់​តាំង​ពី​ខែ​កក្កដា ឆ្នាំ​២០០៧ មក​​ក្រម​នី​តិ​វិធី​រដ្ឋ​ប្ប​វេណី​ត្រូវ​បាន​អនុវត្ត​​ដោយ​ជោគ​ជ័យ​ ហើយ​ក្រម​រដ្ឋ​ប្ប​វេ​ណី​ថ្មី ក៏​ត្រូវ​បាន​​គេ​ប្រ​កាស​ឱ្យ​ប្រើ​ប្រាស់​នៅ​ក្នុង​ខែ​ធ្នូ​ ឆ្នាំ​២០០៧ ហើយ​ដែល​គេ​​គ្រោង​នឹង​ដាក់​ឱ្យ​អនុវត្តនៅ​ក្នុង​ខែ​ធ្នូ​ ឆ្នាំ​នេះ។ នេះ​ជា​ព្រឹត្តិ​ការណ៍​​ដ៏​សំខាន់​មួយ​ក្នុង​ការ​​ធ្វើ​ទំនើប​កម្ម​ប្រ​ព័ន្ធ​ច្បាប់ និងការ​បង្កើត​នី​តិ​វិធី​រដ្ឋ​។

នៅ​ក្នុង​សិក្ខា​សាលា​ផ្សព្វ​​ផ្សាយ​ស្តី​អំ​ពី​ក្រម​​​រដ្ឋ​ប្ប​វេណី​នេះ​ផង​ដែរ លោក​សាស្ត្រាចារ្យ Akio Morishima ​ប្រ​ធាន​ក្រុម​គាំ​ទ្រ​ផ្នែក​ក្រម​រដ្ឋ​​ប្ប​​​វេណី​ប្រ​ទេស​ជ​ប៉ុន នឹង​ធ្វើ​បទ​បង្ហាញ​ស្តី​អំពី​ករណី​សិក្សា​មួយ​ចំនួន​មាន​ដូច​ជា ​កិច្ច​សន្យា​លក់​ និង​កិច្ច​សន្យា​​​ជួល​ជា​ដើម​។ល។ មន្ត្រី​រាជ​ការ​នៃ​ក្រ​សួង​យុត្តិ​​​ធម៌ និង​ក្រ​សួង​រៀប​ចំ​ដែន​ ដី​នគរូ​ប​​នី​យកម្ម​ និង​សំណង់ ព្រម​ទាំង​​ចៅ​ក្រម​​មក​ពី​ទូ​ទាំង​ប្រ​ទេស ​ក៏​អញ្ជើញ​ចូល​រួម​ក្នុងសិក្ខា​សាលា​នេះដែរ ដើម្បី​ទទួល​​យក​ចំណេះ​ដឹង​បន្ថែម​ទៀត ស្តី​អំ​ពី​ក្រ​ម​រដ្ឋ​ប្ប​វេណី​។ អ្នក​ចូល​រួម​​សរុប​មាន​ចំនួន​១២០​នាក់​។

ដើម្បី​ឱ្យ​ការ​អនុវត្ត​​ក្រម​​រដ្ឋ​ប្ប​វេណី​មាន​ភាព​ល្អ​ប្រ​សើរ​ឡើង ក្រ​សួង​យុត្តិ​ធម៌ នឹង​បន្ត​រៀប​ចំ​សិក្ខា​សាលា​ផ្សព្វ​ផ្សាយ​​នេះ ដោយ​មាន​ការ​សហ​ការ​គ្នា​ជា​មួយ JICA ។ សិក្ខា​សាលា​បន្ទាប់​គ្រោង​នឹង​ធ្វើ​ឡើង​នៅ​ពាក់​កណ្តាល​ខែ​វិច្ឆិកា ឆ្នាំ​២០១១ ខាង​មុខ​នេះ​៕