រាជធានីភ្នំពេញ ៖ យោងតាមសេចក្តីជូនដំណឹងរបស់គណបក្សសិទ្ធិមនុស្សចុះថ្ងៃទី ១៦ សីហា ២០១១ ដែលកោះសន្តិភាពទទួលបានឱ្យដឹងថា ដោយមានបងប្អូនប្រជាពលរដ្ឋនៅតាមមូលដ្ឋានមួយចំនួនបានសួរមក ថ្នាក់ដឹកនាំ គណបក្សសិទ្ធិមនុស្សថា តើចូលរួមបោះឆ្នោតព្រឹទ្ធសភានៅថ្ងៃទី២៩ មករា ២០១២ ដែរឬទេ?
រាជធានីភ្នំពេញ ៖ យោងតាមសេចក្តីជូនដំណឹងរបស់គណបក្សសិទ្ធិមនុស្សចុះថ្ងៃទី១៦ សីហា ២០១១ ដែលកោះសន្តិភាពទទួលបានឱ្យដឹងថា ដោយមានបងប្អូនប្រជាពលរដ្ឋនៅតាមមូលដ្ឋានមួយចំនួនបានសួរមកថ្នាក់ដឹកនាំ គណបក្សសិទ្ធិមនុស្សថា តើចូលរួមបោះឆ្នោតព្រឹទ្ធសភានៅថ្ងៃទី២៩ មករា ២០១២ ដែរឬទេ?
គណបក្សសិទ្ធិមនុស្សសូមជម្រាបបងប្អូនខ្មែរទាំងអស់ថា ការបោះឆ្នោតព្រឹទ្ធសភានេះ ជាការបោះឆ្នោតអសាកល ពោលគឺអ្នកមានសិទ្ធិបោះឆ្នោតមានក្រុមប្រឹក្សាឃុំ-សង្កាត់ក្នុងមុខតំណែងតែប៉ុណ្ណោះ ហើយប្រជាពលរដ្ឋពុំមានសិទ្ធិក្នុងការចូលរួមបោះឆ្នោតនោះទេ ។ ហេតុនេះគណបក្សសិទ្ធិមនុស្សមិនចូលរួមបោះឆ្នោតព្រឹទ្ធសភានៅថ្ងៃទី២៩ មករា ២០១២ នោះទេ ព្រោះគណបក្សសិទ្ធិមនុស្សពុំទាន់មានសមាជិកដែលជាក្រុមប្រឹក្សាឃុំ-សង្កាត់នៅឡើយ ។ គណបក្សសិទ្ធិមនុស្សបន្តថា អាស្រ័យហេតុដូចនេះសូមបងប្អូនប្រជាពលរដ្ឋខ្មែរដែលស្នេហាជាតិ និងស្រឡាញ់គណបក្សសិទ្ធិមនុស្សជ្រាប ហើយសូមមេត្តាទៅពិនិត្យ និងចុះឈ្មោះបោះឆ្នោតក្រុមប្រឹក្សាឃុំ-សង្កាត់ឱ្យបានគ្រប់ៗគ្នា ទោះជាមានឧបសគ្គយ៉ាងណាក៏ដោយ។
ការចុះឈ្មោះបោះឆ្នោតក្រុមប្រឹក្សាឃុំ-សង្កាត់នឹងចាប់ផ្តើមពីថ្ងៃទី១ កញ្ញា ដល់ថ្ងៃទី១៥ តុលា ២០១១។ បើមហាជនខ្មែរយើងមិនមានឈ្មោះនៅក្នុងបញ្ជីឈ្មោះបោះឆ្នោតទេ បងប្អូននឹងពុំមានសិទ្ធិក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់នៅថ្ងៃទី៣ មិថុនា ២០១២ ខាងមុខនេះទេ ៕
ចែករំលែកព័តមាននេះ