រាជធានីភ្នំពេញ ៖ សាលាខណ្ឌដូនពេញចូលរួមក្នុងទិវាបរិស្ថានពិភពលោកបានដឹកនាំប្រជាពលរដ្ឋ មន្ត្រីរាជការ ចំណុះខណ្ឌធ្វើការបោសសំអាត រើសសំរាមនៅមុខព្រះបរមរាជវាំង និងតាមផ្លូវសាធារណៈកាលពីព្រឹកថ្ងៃទី៣ មិថុនា ២០១១ ។ លោកហែម ឫទ្ធី នាយករងរដ្ឋបាលខណ្ឌដូនពេញ បានឱ្យដឹងថា យោងតាមការណែនាំរបស់
រាជធានីភ្នំពេញ ៖ សាលាខណ្ឌដូនពេញចូលរួមក្នុងទិវាបរិស្ថានពិភពលោកបានដឹកនាំប្រជាពលរដ្ឋ មន្ត្រីរាជការ ចំណុះខណ្ឌធ្វើការបោសសំអាត រើសសំរាមនៅមុខព្រះបរមរាជវាំង និងតាមផ្លូវសាធារណៈកាលពីព្រឹកថ្ងៃទី៣ មិថុនា ២០១១ ។ លោកហែម ឫទ្ធី នាយករងរដ្ឋបាលខណ្ឌដូនពេញ បានឱ្យដឹងថា យោងតាមការណែនាំរបស់លោកអភិបាលរាជធានីភ្នំពេញ ក៏ដូចជាលោកអភិបាលខណ្ឌដូនពេញ បានបំផុសគំនិតមហាជនឱ្យចូលរួមសំអាតសំរាមនៅតាមផ្លូវសាធារណៈដើម្បីអបអរសាទរទិវាបរិស្ថានពិភពលោកថ្ងៃទី៥ មិថុនា ២០១១ នោះគឺនៅព្រឹកថ្ងៃទី៣ មិថុនា ២០១១ ប្រជាពលរដ្ឋ និងមន្ត្រីរាជការខណ្ឌដូនពេញ ដឹកនាំ ដោយលោកយស់ យុទ្ធី អភិបាលរងខណ្ឌ និងតំណាងមន្ទីរបរិស្ថានរាជធានីភ្នំពេញ បានធ្វើការបោសសំអាតរើសសំរាមនៅមុខព្រះបរមរាជវាំង និងផ្លូវសាធារណៈ។
ដើម្បីចូលរួមក្នុងទិវាបរិស្ថានពិភពលោកនៅថ្ងៃទី៥ មិថុនា ២០១១ នៅឆ្នាំនេះអាជ្ញាធរសាលារាជធានីភ្នំពេញ ក៏ដូចជាសាលាខណ្ឌដូនពេញបានបំផុសមហាជនឱ្យចូលរួមសំអាតសំរាមតាមផ្សារ និងទីសាធារណៈ ហើយជាវិធានការចំពោះ មុខសាលាខណ្ឌបានធ្វើការផាកពិន័យលើជនណាដែលបោះចោលសំរាមផ្តេសផ្តាសគ្មានសណ្តាប់ធ្នាប់។
លោកនាយករងរដ្ឋបាលខណ្ឌដូនពេញបានបញ្ជាក់ថា ព្រឹត្តិការណ៍ដែលរៀបចំឡើងរៀងរាល់ឆ្នាំនេះ គោលបំណងសំខាន់ពីរ គឺ១-ផ្សព្វផ្សាយដល់សាធារណជនឱ្យយល់ដឹងអំពីគ្រោះថ្នាក់នានាដែលគំរាមកំហែងដល់បរិស្ថាន ២-ដកស្រង់បទពិសោធន៍កន្លងមក និងធ្វើការផ្សព្វផ្សាយអំពីចំណេះដឹង និងការអនុវត្តត្រឹមត្រូវមួយចំនួនក្នុងការថែរក្សាបរិស្ថាន ។ ទិវាបរិស្ថានពិភពលោកត្រូវបានរៀបចំឡើងពេញមួយសប្តាហ៍ គឺពីថ្ងៃទី១ ដល់ថ្ងៃទី៧ មិថុនា ៕
ចែករំលែកព័តមាននេះ