បណ្តាអ្នកជិះកង់ជាច្រើននាក់បានធ្វើដំណើរទៅទីក្រុងហ្វ៊ីឡា ដេលហ្វីយ៉ា កាលពីថ្ងៃអាទិត្យសបា្តហ៍កន្លងមក ដើម្បីចូលរួមស្រាតជិះកង់ដែលជាការរៀបចំឡើងលើកទី២ក្នុងទីក្រុងនេះ ។ ក្នុងអំឡុងពេលប៉ុន្មានឆ្នាំកន្លងមក មានការ រៀបចំពិធីជិះកង់ស្រាតនៅតាមទីក្រុងផ្សេងៗ នៅទូទាំងសាកលលោកដើម្បីចូលរួមបំផុសចលនាជួយគ្នាការពារអាកាសធាតុ និងបង្ហាញឱ្យឃើញពីការជិះកង់ដ៏សុវត្ថិភាព ។ កាលពីរដូវក្តៅឆ្នាំមុន ក្រុងហ្វ៊ីឡាដេលហ្វ៊ីយ៉ាបានរៀបចំពិធី ស្រាតជិះកង់ជាលើកដំបូងដោយមានអ្នកចូលរួមស្រាតសំលៀកបំពាក់ជាង៧០០នាក់ ដើម្បី ឃោសនាផ្សព្វផ្សាយពីសុវត្ថិភាពជាច្រើនដូចជាសន្តិភាពនៅលើសាកលលោក និងដើម្បីជួយជីវិតប្រជាជនទូទៅ ។
គួរបញ្ជាក់ថា កាលពីថ្ងៃអាទិត្យសប្តាហ៍កន្លងទៅ ទីក្រុងខាងលើបានរៀបចំពិធីនេះម្តងទៀត ដែលចាត់ទុកថា ជាលើកទី២ក្នុងទីក្រុងហ្វ៊ីឡា ដេលហ្វីយ៉ា សហរដ្ឋអាមេរិក ។ អ្នកចូលរួមភាគច្រើនបាននាំគ្នាជិះកង់ដោយខ្លួនប្រាណស្រាតននលគក ប៉ុន្តែក៏មានមនុស្សជាច្រើននាក់នាំគ្នាស្លៀកឈុតហែលទឹក និងមានស្ត្រីមួយចំនួន លាបពណ៌នៅលើរាងកាយជាពណ៌ផ្សេងៗ ឬលែងខ្លួនត្រឹមដើមទ្រូង ។ ទោះជាយ៉ាងណាក៏ដោយ ដើម្បីសុវត្ថិភាពក្រុមអ្នកចូលរួមជិះកង់បានទទួលការស្នើសុំឱ្យពាក់វ៉ែនតាការពារកំដៅថ្ងៃ និងមួកសុវត្ថិភាព ផងដែរ ៕
ចែករំលែកព័តមាននេះ