រាជធានីភ្នំពេញ ៖ យុវជនចំនួន២នាក់បានត្រូវប៉ូលិសប៉ុសិ៍្តគីឡូម៉ែត្រលេខ៦និងប៉ុសិ៍្ត ព្រែកតាសេកចាប់ខ្លួនកាលពីវេលាម៉ោង៥ល្ងាចថ្ងៃទី២៨ មេសា ក្រោយពីពួកគេបានប្រើកាំបិតប៉័ងតោកា.ប់គូទំនាស់ម្នាក់ត្រូវមួយកាំបិតចំស្លាបប្រចៀវខាងឆ្វេងរងរបួសធ្ងន់ នៅក្នុងភូមិក្រោលគោ សង្កាត់គីឡូម៉ែត្រលេខ៦ ខណ្ឌប្ញស្សីកែវ ។ យុវជនទាំង២នាក់នេះ
រាជធានីភ្នំពេញ ៖ យុវជនចំនួន២នាក់បានត្រូវប៉ូលិសប៉ុសិ៍្តគីឡូម៉ែត្រលេខ៦និងប៉ុសិ៍្ត ព្រែកតាសេកចាប់ខ្លួនកាលពីវេលាម៉ោង៥ល្ងាចថ្ងៃទី២៨ មេសា ក្រោយពីពួកគេបានប្រើកាំបិតប៉័ងតោកាប់គូទំនាស់ម្នាក់ត្រូវមួយកាំបិតចំស្លាបប្រចៀវខាងឆ្វេងរងរបួសធ្ងន់ នៅក្នុងភូមិក្រោលគោ សង្កាត់គីឡូម៉ែត្រលេខ៦ ខណ្ឌប្ញស្សីកែវ ។ យុវជនទាំង២នាក់នេះម្នាក់ឈ្មោះវ៉ាត ហ៊ាង អាយុ១៩ឆ្នាំ ជាកម្មករដឹកខ្សាច់ និងជាជនដៃដល់ និងម្នាក់ទៀតឈ្មោះញ៉ូង សេងហៃ អាយុ១៥ឆ្នាំ រស់នៅក្នុងភូមិ-ឃុំខាងលើ ។
តាមមន្ត្រីប៉ូលិសឱ្យដឹងថា យុវជនទាំងពីរនាក់ត្រូវកម្លាំងប៉ុសិ៍្តគីឡូម៉ែត្រលេខ៦ សហការជាមួយប៉ូលិសប៉ុសិ៍្តព្រែកតាសេក ចាប់ខ្លួននៅកំពង់ដក្នុងសង្កាត់ព្រែកតាសេកក្រោយពេលបង្ករបួសស្នាមទៅលើអ្នកភូមិជាមួយគ្នាឈ្មោះខ្លឹង ចាន់ដារ៉ា ភេទប្រុស អាយុ៣១ឆ្នាំ ហើយព្យាយាមបើកកាណូតគេចខ្លួន ។ តាមមន្ត្រីប៉ូលិសឱ្យដឹងទៀតថា កាលពី៣ថ្ងៃមុនថ្ងៃកើតហេតុ ជនរងគ្រោះឈ្មោះខ្លឹងចាន់ ដារ៉ា បានបាត់កញ្ចក់ទូនំប៉័ង ហើយបានចោទទៅលើឈ្មោះវ៉ាត ហ៊ាង ជាអ្នកលួច ។ នៅថ្ងៃនោះពួកគេទាំងពីរនាក់មានទំនាស់គ្នាយ៉ាងខ្លាំង តែពុំបង្កទៅជាអំពើហិង្សាឡើយ ។ លុះនៅមុនពេលកើតហេតុ ជនរងគ្រោះបានកាន់ដាវសាមូរ៉ៃទៅរកឈ្មោះវ៉ាត ហ៊ាង តែត្រូវបានឈ្មោះវ៉ាត ហ៊ាង ឃើញទាន់ ក៏រត់ឡើងលើផ្ទះទៅយកប៉័ងតោកាប់ឈ្មោះខ្លឹង ចាន់ដារ៉ា បណ្តាលឱ្យត្រូវមួយកាំបិតចំស្លាបប្រចៀវខាងឆ្វេង និងបញ្ជូនទៅព្យាបាលនៅមន្ទីរពេទ្យបង្អែកសម្តេចឪ ។
បន្ទាប់ពីបង្ករបួសស្នាមរួច ជនដៃដល់បានរត់ឡើង កាណូតហើយឱ្យឈ្មោះញ៉ូង សេងហៃ បើកកាណូតគេចខ្លួនទៅត្រើយម្ខាង ស្ថិតក្នុងសង្កាត់ព្រែកតាសេក តែត្រូវកម្លាំងសមត្ថកិច្ចប៉ុសិ៍្តគីឡូម៉ែត្រលេខ៦ទាក់ទងទៅ ប៉ូលិសប៉ុស្តិ៍ព្រែកតាសេកចាប់ខ្លួនបាន និងបញ្ជូនមកកាន់អធិការដ្ឋានខណ្ឌប្ញស្សីកែវ ដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញចាត់ការតាមច្បាប់ ៕
ចែករំលែកព័តមាននេះ