ខេត្តកំពត ៖ អ្នកធ្វើដំណើរដែលជិះរថយន្តឈ្នួលពីភ្នំពេញមកកាន់ខេត្តកំពត៥នាក់ បានជួបនឹងរឿងរ៉ាវភ័យតក់ស្លុតពេលរថយន្តកំពុងបើកបរតាមផ្លូវជាតិលេខ៣ ចូលដល់ក្រុងកំពតនៅវេលាម៉ោង១និង៣០នាទីរសៀល ថ្ងៃទី២៨ មេសា ចំណុចភូមិកំពង់បាយខាងជើង សង្កាត់កំពង់បាយ ក្រុងកំពត ត្រូវបានសមត្ថកិច្ចប៉ូលិសចរាចរចាប់ឃាត់ទាំងរថយន្ត
ខេត្តកំពត ៖ អ្នកធ្វើដំណើរដែលជិះរថយន្តឈ្នួលពីភ្នំពេញមកកាន់ខេត្តកំពត៥នាក់ បានជួបនឹងរឿងរ៉ាវភ័យតក់ស្លុតពេលរថយន្តកំពុងបើកបរតាមផ្លូវជាតិលេខ៣ ចូលដល់ក្រុងកំពតនៅវេលាម៉ោង១និង៣០នាទីរសៀល ថ្ងៃទី២៨ មេសា ចំណុចភូមិកំពង់បាយខាងជើង សង្កាត់កំពង់បាយ ក្រុងកំពត ត្រូវបានសមត្ថកិច្ចប៉ូលិសចរាចរចាប់ឃាត់ទាំងរថយន្ត ទាំងមនុស្សនាំមកសួរនាំ និងធ្វើការឆែកឆេររកវត្ថុតាង ដោយសារតែសមត្ថកិច្ចបានទទួលសេចក្តីរាយការណ៍ថា រថយន្តខាងលើមានដឹកគ្រឿងញៀន។ ពេលនាំរថយន្ត និងជនសង្ស័យមកដល់អធិការដ្ឋានក្រុងកំពត ពេលនោះគេឃើញមានកម្លាំងសមត្ថកិច្ចការិយាល័យប្រឆាំងគ្រឿងញៀន កម្លាំងសមត្ថកិច្ចព្រហ្មទណ្ឌក្រុង និងស្នងការដ្ឋាន រួមទាំងព្រះរាជអាជ្ញាអមសាលាដំបូងខេត្តកំពត ចូលរួមធ្វើការត្រួតពិនិត្យ និងឆែកឆេររកវត្ថុតាងគ្រឿងញៀននេះផងដែរ ។
រថយន្តដែលត្រូវសមត្ថកិច្ចសង្ស័យនាំមកត្រួតពិនិត្យឆែកឆេរនៅអធិការដ្ឋានក្រុងកំពត នេះ ម៉ាកកាមរី ពណ៌ស ផលិតឆ្នាំ១៩៩៣ ពាក់ស្លាកលេខភ្នំពេញ 2A-7297 បើកបរដោយឈ្មោះទិត កុលស ភេទប្រុស អាយុ២៤ឆ្នាំ មានទីលំនៅក្នុងសង្កាត់ជ្រោយចង្វា ខណ្ឌឫស្សីកែវ រាជធានីភ្នំពេញ ព្រមទាំងដឹកអ្នកដំណើរ៥នាក់ ។ បន្ទាប់ពីធ្វើការត្រួតពិនិតិ្យឆែកឆេររកវត្ថុតាងពុំឃើញ សមត្ថកិច្ចបានធ្វើការណែនាំដល់អ្នកដំណើរទាំង៥នាក់រួមទាំងម្ចាស់រថយន្តផង ត្រូវមានការប្រុងប្រយ័ត្នកុំឱ្យជាប់ពាក់ព័ន្ធបញ្ហាគ្រឿងញៀន ឬធ្វើឱ្យសមត្ថកិច្ចសង្ស័យដូចជាពេលនេះទៀត ពីព្រោះទំរាំសមត្ថកិច្ចឆែកឆេរត្រួតពិនិត្យរួចរាល់យើងត្រូវខាតពេលវេលាផង និងព្រួយបារម្ភចំពោះការឆែកឆេរផង ដោយម្នាក់ៗពុំដឹងថា អ្នកជិះមួយណាជាមុខសញ្ញាសង្ស័យរបស់សមត្ថកិច្ច។ ហេតុដូច្នេះហើយ អ្នកបើកបររថយន្តដឹកអ្នកដំណើរគួរតែប្រុងប្រយ័ត្នឱ្យបានគ្រប់ៗគ្នា ។
អ្នកធ្វើដំណើរទាំង៥នាក់បានប្រាប់អ្នកកាសែតថា បើសិនជាពិនិត្យឃើញគ្រឿងញៀនមែននោះ ពួកគាត់ទាំង៥នាក់អាចនឹងជាប់គុកដោយមិនដឹងខ្លួនទាំងខ្លួនគ្មានកំហុសមិនខាន ។ ពួកគេក៏សំណូមពរដល់សមត្ថកិច្ចថា បញ្ហាអ្នកជួញដូរគ្រឿងញៀនបើធ្វើដំណើរតាមរថយន្តជាមួយអ្នកត្រឹមត្រូវសុំសមត្ថកិច្ចវិភាគបញ្ហានេះឱ្យបានសមស្របតាមច្បាប់ កុំឱ្យអ្នកគ្មានកំហុសមានទោសជាមួយអ្នកប្រព្រឹត្ត។ គួរបញ្ជាក់ថា ករណីសមត្ថកិច្ចមានការសង្ស័យនេះមិនខុសទេ តាមស្តាប់អ្នកដំណើរទាំង៥នាក់ឱ្យដឹងថា មានស្ត្រីវៀតណាមម្នាក់ចុះពីរថយន្តនេះមុនដល់ចំណុចសមត្ថកិច្ចឃាត់ខ្លួនចម្ងាយជាង១០០ម៉ែត្រ រួចគេចខ្លួនបាត់ទៅ ៕
ចែករំលែកព័តមាននេះ