ខេត្តបាត់ដំបង ៖ សមត្ថកិច្ចស្រុកសំឡូតបានចាប់ខ្លួនអ្នកចែកចាយ និងប្រើប្រាស់គ្រឿងញៀនចំនួន២នាក់កាលពីល្ងាចថ្ងៃទី២៦ មេសា ខណៈដែលពួកគេកំពុងប្រព្រឹត្តសកម្មភាពជាក់ស្តែងនៅក្បែរអង្គភាពស៊ីម៉ាក់ស្ថិតក្នុងភូមិអូរស្ងួត ឃុំតាសាញ់ ស្រុកសំឡូត
ខេត្តបាត់ដំបង ៖ សមត្ថកិច្ចស្រុកសំឡូតបានចាប់ខ្លួនអ្នកចែកចាយ និងប្រើប្រាស់គ្រឿងញៀនចំនួន២នាក់កាលពីល្ងាចថ្ងៃទី២៦ មេសា ខណៈដែលពួកគេកំពុងប្រព្រឹត្តសកម្មភាពជាក់ស្តែងនៅក្បែរអង្គភាពស៊ីម៉ាក់ស្ថិតក្នុងភូមិអូរស្ងួត ឃុំតាសាញ់ ស្រុកសំឡូត។
លោកហុក ហឿត អធិការរងស្រុកសំឡូតបានថ្លែងថា អ្នកចែកចាយថ្នាំញៀនទាំង២នាក់នោះ ១-ឈ្មោះនួន សុគុណ ភេទប្រុស អាយុ២១ឆ្នាំ និង២-ឈ្មោះផន វិសាល ភេទប្រុស អាយុ២២ឆ្នាំ ពួកគេរស់នៅភូមិ-ឃុំខាងលើ។ សមត្ថកិច្ចរបស់លោកបានព័ទ្ធចាប់ខ្លួនក្រុមនេះខណៈពេលពួកគេកំពុងប្រព្រឹត្តជាក់ស្តែង។ សមត្ថកិច្ចរឹបអូសបានថ្នាំញៀនប្រភេទមេតំហ្វេតាមីនបានចំនួន១៤គ្រាប់ ដែលជននេះយកទៅលាក់ទុកក្បែរចង្ក្រានបាយ។
បើតាមចម្លើយសារភាពរបស់ឈ្មោះផន វិសាល ថា ថ្នាំញៀននេះ គឺពួកគេទៅទិញពីឈ្មួញកណ្តាលម្នាក់នៅឯក្រុងប៉ៃលិនក្បែរកន្លែងជិះស្គីខាងជើងវត្តរតនសោភ័ណហៅវត្តកោងកាង។ នេះជាលើកទី២ហើយដែលគេបានទៅទិញថ្នាំញៀនពីខេត្តប៉ៃលិនមកចែកចាយបន្ត ប៉ុន្តែពួកគេក៏ប្រើប្រាស់ខ្លួនឯងដែរ។ លោកហុក ហឿត អធិការរងបញ្ជាក់ថា លោកបានកសាងសំណុំរឿងបញ្ជូនជនទាំង២នាក់នេះទៅកាន់ការិយាល័យជំនាញនៃស្នងការដ្ឋានខេត្តហើយៗ សមត្ថកិច្ចកំពុងសាកសួរមុនពេលបញ្ជូនទៅតុលាការ៕
ចែករំលែកព័តមាននេះ