ខេត្តឧត្តរមានជ័យ ៖ ស្នូរកាំភ្លើងវាយប្រយុទ្ធគ្នារវាងកងទាហានកម្ពុជា និងកងទាហានសៀមដែលធ្លាប់តែលាន់ឮកក្រើកព្រៃពេញសមរភូមិរយៈពេល៧ថ្ងៃមកហើយនេះ បានស្ងប់ស្ងាត់មែនទែនហើយ ចាប់ពីវេលាម៉ោង១១ព្រឹកថ្ងៃទី២៨ មេសា ២០១១ បន្ទាប់ពីមានជំនួបចរចាស្វែងរកការឈប់បា.ញ់រវាងមេទ័ពភូមិភាគរបស់កម្ពុជា និងសៀមរួចមក
ខេត្តឧត្តរមានជ័យ ៖ ស្នូរកាំភ្លើងវាយប្រយុទ្ធគ្នារវាងកងទាហានកម្ពុជា និងកងទាហានសៀមដែលធ្លាប់តែលាន់ឮកក្រើកព្រៃពេញសមរភូមិរយៈពេល៧ថ្ងៃមកហើយនេះ បានស្ងប់ស្ងាត់មែនទែនហើយ ចាប់ពីវេលាម៉ោង១១ព្រឹកថ្ងៃទី២៨ មេសា ២០១១ បន្ទាប់ពីមានជំនួបចរចាស្វែងរកការឈប់បាញ់រវាងមេទ័ពភូមិភាគរបស់កម្ពុជា និងសៀមរួចមក ។ ការជួបចរចារវាងមេទ័ពទាំង២ត្រូវបានធ្វើឡើងកាលពីវេលាម៉ោង១០និង៤០នាទីថ្ងៃទី២៨ មេសា ២០១១ នៅកាស៊ីណូរីសត ភូមិអូរស្មាច់ សង្កាត់អូរស្មាច់ ក្រុងសំរោង ។
មេទ័ពកម្ពុជាដឹកនាំដោយលោកឧត្តមសេនីយ៍ជា ម៉ន មេបញ្ជាការភូមិភាគ៤ និងភាគីខាងសៀមដឹកនាំដោយមេបញ្ជាការភូមិភាគ២ ។ អ្នកឆ្លើយឆ្លងព័ត៌មានកោះសន្តិភាពប្រចាំការនៅព្រំដែនបានឱ្យដឹងថា មកដល់វេលាម៉ោង៣រសៀលថ្ងៃទី២៨ មេសា ២០១១ នេះ លើសមរភូមិតំបន់ប្រាសាទតាក្របី និងតំបន់ប្រាសាទតាមាន់ធំ ព្រមទាំងតំបន់ផ្សេងៗទៀតនៅតាមខ្សែបន្ទាត់ព្រំដែនខេត្តឧត្តរមានជ័យ មិនមានឮស្នូរកាំភ្លើងទៀតទេ ៕
ចែករំលែកព័តមាននេះ