យន្តហោះមួយគ្រឿងធ្លាក់ពេលមីទ្ទីងអាកាសមួយនៅអាល្លឺម៉ង់
ដោយ ៖ ប្រុសកោះ
ថ្ងៃចន្ទ ទី៦ ខែកញ្ញា ឆ្នាំ២០១០ ម៉ោង ១០:៥៥
គេហទំព័របរទេស
កន្លែងដែលយន្តហោះធ្លាក់
អ្នកបើកយន្តហោះកង្ហារធុនតូចមួយគ្រឿងបានបាត់បង់ការត្រួតត្រាយន្តហោះរបស់គេ បណ្តាលឱ្យយន្តហោះនេះធ្លាក់កាលពីថ្ងៃទី៥ កញ្ញា លើក្រុមទស្សនិកជនក្នុងឱកាសនៃមីទ្ទីងអាកាសមួយនៅទីក្រុង LILLINGHOF ភាគខាងត្បូងអាល្លឺម៉ង់ ។ គ្រោះថ្នាក់នេះបើយោងតាមប៉ូលិសថា បណ្តាលឱ្យមនុស្សស្លាប់ម្នាក់ និងរបួស៣៨នាក់ ។ ប៉ូលិសបញ្ជាក់ថា មនុស្ស៣៣នាក់ ត្រូវរបួសស្រាល ហើយមនុស្ស៥នាក់ទៀតត្រូវរបួសធ្ងន់ ។ អ្នកបើកយន្តហោះនេះអាយុ៦៨ឆ្នាំ នៅរស់រានមានជីវិត ហើយការសាកសួរដោយពួកអ្នកស៊ើបអង្កេតអាចកំណត់ពីមូលហេតុនៃគ្រោះថ្នាក់នេះ ៕
