ពិធីចុះហត្ថលេខាទទួលជំនួយឥតសំណងរបស់ជប៉ុនចាប់ផ្ដើម
ដោយ ៖ អប្សរា
ថ្ងៃសុក្រ ទី១៩ ខែមិនា ឆ្នាំ២០១០ ម៉ោង ១៦:១០
រាជធានីភ្នំពេញ ៖ សម្ដេចអគ្គមហា សេនាបតីតេជោ ហ៊ុន សែន នាយករដ្ឋមន្ដ្រី នារសៀលថ្ងៃទី១៨ មីនា បានអញ្ជើញជាអធិបតីដ៏ខ្ពង់ខ្ពស់ក្នុងពិធីចុះហត្ថលេខាទទួលជំនួយឥតសំណង (ODA) របស់ជប៉ុន នៅទីស្ដីការក្រសួងការបរទេស និងសហប្រតិបត្ដិការអន្ដរជាតិ ដែលមានទឹកប្រាក់សរុបទាំងអស់២.៨៥៩.០០០.០០០យ៉េន ប្រហាក់ប្រហែលស្មើនឹង៣១.៨០០.០០០ដុល្លារអាមេរិក ដើម្បីអនុវត្ដនូវគំរោង៤ ។ សារលិខិតប្ដូរជំនួយឥតសំណងនេះត្រូវបានចុះហត្ថលេខាដោយលោកឧបនាយករដ្ឋមន្ដ្រីហោ ណាំហុង រដ្ឋមន្ដ្រីក្រសួងការបរទេស និងលោកម៉ាសា ហ្វ៊ូមី គូរ៉ូគី ឯកអគ្គរាជទូតជប៉ុនប្រចាំនៅព្រះរាជាណាចក្រកម្ពុជា ដើម្បីជួយដល់ប្រទេសកម្ពុជានៅក្នុងកិច្ចខិតខំប្រឹងប្រែងកាត់បន្ថយភាពក្រីក្រ និងអភិវឌ្ឍន៍ជាតិលើគំរោង៤គឺ ៖
- ១-ទឹកប្រាក់២៣៩.០០០.០០០យ៉េន សំរាប់គំរោងសាងសង់ស្ពានអ្នកលឿង (ការ សិក្សាលើប្លង់លំអិត) ។
- ២-៧២០.០០០.០០០យ៉េន សំរាប់គំរោង បញ្ចូលថាមពលស្អាតដោយប្រព័ន្ធបង្កើត អគ្គិសនីប្រើថាមពលពន្លឺព្រះអាទិត្យ ។
- ៣-ទឹកប្រាក់៩០០.០០០.០០០យ៉េន សំរាប់កម្មវិធី ថែរក្សាព្រៃឈើ ។
- ៤-ទឹកប្រាក់១.០០០.០០០.០០០យ៉េន សំរាប់កម្មវិធីធ្វើឱ្យប្រសើរឡើងនូវសមត្ថ ភាពដោះស្រាយគ្រោះមហន្ដរាយធម្មជាតិ បណាលមកពីការផ្លាស់ប្ដូរអាកាសធាតុ ។
ព័ត៌មានលំអិតនឹងផ្សាយជូននៅពេលក្រោយនិងនៅលើទំព័រកាសែតកោះសន្ដិភាព .
