មនុស្សពីងពាងបារាំងឡើងអគារកំពស់57ជាន់នៅក្នុងទីក្រុងស៊ីដនី
ដោយ ៖ ប្រុសកោះ
ថ្ងៃចន្ទ ទី៣០ ខែសីហា ឆ្នាំ២០១០ ម៉ោង ១៤:២៦
គេហទំព័របរទេស
លោកអាឡាំង រ៉ូប៊ែត
អ្នកដែលពូកែខាងតោងឡើងអគារខ្ពស់ៗបំផុតដោយឥតមានប្រើខ្សែតោង ឬឧបករណ៍ការពារសុវត្ថិភាព លោកអាឡាំងរ៉ូប៊ែត កាលពីថ្ងៃទី៣០ សីហា បានបង្ហាញខ្លួននៅក្នុងទីក្រុងស៊ីដនី ប្រទេសអូស្ត្រាលី ហើយបានឡើងអគារ Lumiere មានកំពស់ដល់ទៅ៥៧ជាន់ ។ លោកអាឡាំង រ៉ូប៊ែត ដែលមានរហស្សនាមថា «មនុស្សពីងពាងបារាំង» បានចាប់ផ្តើមឡើងអគារ Lumiere នៅកណ្តាលទីក្រុងស៊ីដនី នាវេលាម៉ោង១០និង៣០នាទីព្រឹក ម៉ោងក្នុងស្រុក ហើយឡើងដល់កំពូលអគារក្នុងរយៈពេល២០នាទីប៉ុណ្ណោះ ។ ទោះបីជាបែបណា ក្រោយពីចុះពីលើអគារនោះវិញ លោកអាឡាំងរ៉ូប៊ែត ត្រូវបានប៉ូលិសចាប់ខ្លួន ហើយត្រូវបាននាំខ្លួនដាក់ក្នុងមន្ទីរឃុំខ្លួនរបស់ប៉ូលិស ៕
