ប្រការគួរឱ្យប្រយ័ត្នពេលយករថយន្តទៅលាង
ដោយ ៖ សាម៉ន
ថ្ងៃអង្គារ ទី៣១ ខែសីហា ឆ្នាំ២០១០ ម៉ោង ១៣:៤៩
គេហទំព័របរទេស
ប្រការគួរយល់ដឹងពេលលោកអ្នកយករថយន្តទៅលាង
-មិនគួរលាងរថយន្តក្នុងខណៈពេលម៉ាស៊ីនកំពុងក្តៅ ព្រោះអាចធ្វើឱ្យគ្រឿងបន្លាស់របស់ម៉ាស៊ីនកាន់តែមានកំដៅខ្លាំង ធ្វើឱ្យមានបំរែបំរួលសីតុណ្ហភាពភ្លាមៗ អាចបង្កឱ្យមានការខាតបង់ ។
-ទឹកដែលមានកំលាំងបុកខ្ពស់ អាចបង្កឱ្យខូចខាតដល់ពណ៌របស់រថយន្ត ជាពិសេសរថយន្តចាស់ ដោយពណ៌នៅតាមបរិវេណជ្រុងផ្សេងៗនឹងជ្រុះ ឬរបេះចេញយ៉ាងងាយ ។
-មិនគួរប្រើទឹកមានសីតុណ្ហភាពខ្ពស់ ព្រោះថា ទឹកខាងលើអាចធ្វើឱ្យបំណែកសារធាតុប្រភេទបា្លស្ទិកបាត់បង់ទ្រង់ទ្រាយបាន ។
-ក្នុងអំឡុងពេលបាញ់ទឹកលាងរថយន្ត ក្បាលបាញ់ទឹកគួរតែឱ្យនៅឆ្ងាយពីរថយន្តយ៉ាងតិចកន្លះម៉ែត្រ ដើម្បីការពារកំលាំងនៃការរុញរបស់ខ្សែទឹក ។
-មិនគួរលាងរថយន្តនៅពេលយប់ ព្រោះសំណើមដែលកើតពីការលាងរថយន្តនៅតាមច្រកល្ហកផ្សេងៗរបស់រថយន្តនឹងស្ងួតក្នុងរយៈពេលយូរ ហើយសំណើមនេះក៏ជាមូលហេតុធ្វើឱ្យកើតស្នាមច្រែះដោយងាយស្រួល ៕
