ខេត្តកំពង់ចាម ៖ ជនដៃដល់កា.ប់សម្លា.ប់ឪពុកម្តាយក្មេក ប្រពន្ឋនិងកូន សរុប៤នាក់និងរបួសធ្ងន់ម្នាក់ គិតត្រឹមម៉ោង៨និង៥០នាទីព្រឹកថ្ងៃទី០១ ធ្នូនេះ សមត្ថកិច្ចមិនទាន់
ខេត្តកំពង់ចាម ៖ ជនដៃដល់កាប់សម្លាប់ឪពុកម្តាយក្មេក ប្រពន្ឋនិងកូន សរុប៤នាក់និងរបួសធ្ងន់ម្នាក់ គិតត្រឹមម៉ោង២និង១២នាទីរសៀលថ្ងៃទី០១ ធ្នូនេះ សមត្ថកិច្ចមិនទាន់ចាប់ខ្លួនបាននៅឡើយទេ និង កំពុងតាមប្រមាញ់ ។ នេះបើតាមលោកឧត្តមសេនីយ៍ បែន រ័ត្ន ស្នងការនគរបាលខេត្តកំពង់ចាមដែលបា្រប់គេហទំព័រកោះសន្តិភាពនៅប៉ុន្មាននាទីមុននេះ ។
គួររំលឹកថា បុរសម្នាក់បានកាប់សម្លាប់ ឪពុក ម្តាយក្មេក ប្រពន្ធ និងកូនស្រី ស្លាប់៤នាក់ និងរបួសធ្ងន់ម្នាក់ បង្កឱ្យមានការភ្ញាក់ផ្អើលកាលពីយប់ថ្ងៃទី៣០ វិច្ឆិកា ស្ថិតនៅភូមិពែងមាសជើង ឃុំស្ពឺ ស្រុកចំការលើ ។ ជនដៃដល់ឈ្មោះ អេង ធី អាយុ៤៧ឆ្នាំ បានរត់គេចខ្លួនបាត់ក្រោយធ្វើសកម្មភាពយ៉ាងព្រៃផ្សៃនោះរួចមក ។
បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងទៀតថា ក្រោយពេលកាប់សម្លាប់ឪពុកម្តាយក្មេក ប្រពន្ឋនិងកូន ជនដៃដល់ អេង ធី បានរត់កាត់វាលស្រែ ហើយក្រុមអ្នកភូមិបានដេញតាមរក តែរកមិនឃើញ។ យ៉ាងណាក៍ដោយបើតាមលោកស្នងការនគរបាលខេត្តកំពង់ចាម នៅពេលនេះសមត្ថកិច្ចកំពុងតែតាមរកចាប់ខ្លួនជននេះឲ្យខាងតែបាន ដើម្បីយកមកផ្តន្ទាទោសតាមច្បាប់ ។
តាមរបាយការណ៍ពីអធិការនគរបាលស្រុកចំការលើបានឱ្យដឹងថា មុនពេលកើតហេតុជនដៃដល់មិនដឹងជាផឹកស្រាស្រវឹងមកពីណាទេ ពេលមកដល់ផ្ទះបានឈ្លោះប្រកែកជាមួយប្រពន្ធ តែត្រូវប្រពន្ធនាំកូនទៅផ្ទះឪពុក ម្តាយបង្កើតដែលមានរបងជាប់គ្នា ខណៈនោះជនសង្ស័យក៏ប្រមូលខោអាវដុតនៅក្នុងផ្ទះរបស់ខ្លួន។ ឃើញដូចនេះឪពុកក្មេកបានដងទឹកទៅពន្លត់ភ្លើង ភ្លាមនោះត្រូវជនដៃដល់ទាញកាំបិតកាប់មកលើឪពុកក្មេកចំក្បាល ផ្នែកខាងឆ្វេងបណ្តាលឱ្យរបួសធ្ងន់ដួលសន្លប់នៅនឹងកន្លែង បន្ទាប់មកជនដៃដល់បានបន្តទៅផ្ទះឪពុកក្មេក ហើយកាប់ប្រពន្ធ និងកូនប្រុស ស្រី២នាក់ទៀតបណ្តាលឱ្យស្លាប់ក្នុងថ្លុកឈាមតែម្តង។
ក្រោយធ្វើសកម្មភាពរួច ជនសង្ស័យបានយកកាំបិតរត់គេចខ្លួនបាត់ ចំណែកជនរងគ្រោះជាឪពុកក្មេកត្រូវបានគេបញ្ជូនទៅមន្ទីរពេទ្យ បង្អែកស្រុកចំការលើ និងបញ្ជូនបន្តទៅមន្ទីរពេទ្យបង្អែកខេត្តកំពង់ចាម ។
ជនរងគ្រោះដែលស្លាប់ គឺ ១-ឈ្មោះ ម៉ៅ យាង អាយុ៦៤ឆ្នាំ ជាម្តាយក្មេក ២-ឈ្មោះ ចាន់ធី សុភានី អាយុ៤៥ឆ្នាំ ជាប្រពន្ធ ៣-កូនស្រីឈ្មោះ ធី ស៊ាងហ៊ី អាយុ៦ឆ្នាំ និង៤-កូនប្រុសឈ្មោះ ធី សីហា អាយុ៤ឆ្នាំ ចំណែកឪពុកក្មេក ឈ្មោះ ស្វាយ សាខន អាយុ៦៩ឆ្នាំ រងរបួសធ្ងន់ ។
សេចក្តីរាយការណ៍ពីលំនៅដ្ឋានសពដែលកំពុងតែធ្វើបុណ្យនោះវិញ មកដល់ម៉ោង៩ព្រឹកថ្ងៃអង្គារនេះ អ្នកភូមិនិងអាជ្ញាធរមូលដ្ឋានជាច្រើននាក់បានមកចូលរួមបុណ្យនិងសម្តែងនូវការ តក់ស្លត់សោកសង្រេងយ៉ាងពន់ពេក ៕
ចែករំលែកព័តមាននេះ