ប្រទេសកាតា និងអារ៉ាប៊ី សាអ៊ូឌីត នាពេលនេះជួបប្រទះនឹងភ្លៀងធ្លាក់ខ្លាំង បណ្តាលឱ្យមានទឹកជំនន់ធ្ងន់ធ្ងរ ។
ទឹកជំនន់គួរឱ្យភ្ញាក់ផ្អើលកើតមាននៅអារ៉ាប៊ី សាអ៊ូឌីត ហើយភ្លៀងពុំព្រមឈប់នាយប់ថ្ងៃទី២៥ វិច្ឆិកា ធ្វើឱ្យផ្លូវថ្នល់ជាច្រើនត្រូវលិចមិនអាចធ្វើចរាចរណ៍បាននៅប្រទេសកាតា ។ យោងតាមផ្នែកឧតុនិយមថា ទឹកភ្លៀងមានកម្ពស់ដល់ទៅ៨០មីល្លីម៉ែត្រ វាយប្រហារតំបន់ព្រលានយន្តហោះអន្តរជាតិ HAMAD ជិតរាជធានីដូហា ក៏ប៉ុន្តែចរាចរណ៍អាកាសពុំត្រូវបានកាត់ផ្តាច់ឡើយ ។
ស្ថានទូតសហរដ្ឋអាមេរិកប្រចាំក្រុងដូហា ក៏រងការប៉ះពាល់ដោយទឹកជំនន់ហើយ ការិយាល័យស្ថានទូតនេះត្រូវបិទនាថ្ងៃទី២៥ វិច្ឆិកា ៕
ចែករំលែកព័តមាននេះ