រាជធានីភ្នំពេញ ៖ វេទិកាសហប្រតិបត្ដិការអភិវឌ្ឍន៍កម្ពុជាលើកទី៣ បានបញ្ចប់ ហើយកាលពីល្ងាចថ្ងៃទី៣ ខែមិថុនា ដោយមន្ដ្រីកម្ពុជានិយាយថា ជាជោគជ័យសំរាប់ការអភិវឌ្ឍប្រទេសកម្ពុជា ខណៈពេលទទួលបានជំនួយ១.១០០លានដុល្លារ សំរាប់ឆ្នាំ ២០១០ ពីប្រទេសផ្ដល់ជំនួយ ក្នុងនោះប្រទេសជប៉ុន គឺជាប្រទេសដែលផ្ដល់ជំនួយច្រើនជាងគេ។ លោក គាត ឈុន ឧបនាយករដ្ឋមន្ដ្រី និងជារដ្ឋមន្ដ្រីក្រសួងសេដ្ឋកិច្ចនិងហិរញ្ញវត្ថុ បានថ្លែងវេទិកាពិភាក្សារយៈពេល២ថ្ងៃនេះ គឺជាជោគជ័យសំរាប់ទាំងព្រះរាជាណាចក្រកម្ពុជា និងដៃគូអភិវឌ្ឍន៍ទាំងអស់ ។ តាមតួលេខជាក់ស្ដែងនៃហិរញ្ញប្បទានសំរាប់ការអភិវឌ្ឍឆ្នាំ២០១០នេះមានទំហំ១.១០០ លានដុល្លារសហរដ្ឋអាមេរិក ។ ទន្ទឹមនោះកំរិតនៃការគាំទ្រសំរាប់ឆ្នាំ២០១១ និងឆ្នាំ ២០១២ខាងមុខក៏អាចនឹងមានកំរិតប្រហាក់ប្រហែលគ្នានឹងឆ្នាំ២០១០ដែរ ។
លោកគាត ឈន់ សង្កត់ធ្ងន់ថា អ្វីជាកត្ដាសំខាន់ក្នុងកិច្ចពិភាក្សាលើកទី៣នេះ គឺយើងបានលើកយកប្រធានបទស្នូល គឺការអនុវត្ដយុទ្ធសាស្ដ្រចតុកោណដើម្បីកំណើន ការងារសមធម៌ និងប្រសិទ្ធភាពដំណាក់កាលទី២ តាមរយៈការអនុវត្ដផែនការយុទ្ធសាស្ដ្រ អភិវឌ្ឍន៍ជាតិ-បច្ចុប្បន្នកម្ម ។ ប្រធានបទនេះបានផ្ដល់លទ្ធភាពឱ្យមានការពិភាក្សាលើផែនការយុទ្ធសាស្ដ្រអភិវឌ្ឍន៍ជាតិ-បច្ចុប្បន្ន កម្មដែលត្រូវបន្ដអាណត្ដិរបស់ខ្លួនរហូតដល់ឆ្នាំ២០១៣ និងបានកំណត់មាគ៌ាសំរាប់ការ ហក់ឡើងនៃសេដ្ឋកិច្ចកម្ពុជាក្នុងកំរិតខ្ពស់ និងប្រកបដោយចីរភាពបន្ទាប់ពីដំណើរឆ្លងកាត់កលិយុគហិរញ្ញវត្ថុ និងឱនភាពសេដ្ឋកិច្ចសាកលលោក ។ លោកបន្ដថា សន្ដិភាព និងស្ថិរភាពសង្គម ដែលជាសមិទ្ធផលនៃការអនុវត្ដគោល នយោបាយឈ្នះ=ឈ្នះរបស់សម្ដេចអគ្គមហា សេនាបតីតេជោ ហ៊ុន សែន នាយករដ្ឋមន្ដ្រីនៃ ព្រះរាជាណាចក្រកម្ពុជា បានជំរុញឱ្យមាន ការអភិវឌ្ឍសេដ្ឋកិច្ច-សង្គមកម្ពុជា ។
លោកគាត ឈុន បញ្ជាក់ថាវេទិកាកិច្ច សហប្រតិបត្ដិការអភិវឌ្ឍន៍កម្ពុជាលើកទី៣ បានផ្ដល់នូវ “កាលានុវត្ដភាព” សំរាប់រាជរដ្ឋាភិបាល និងដៃគូអភិវឌ្ឍន៍ផ្លាស់ប្ដូរយោបល់ អំពីវឌ្ឍនភាព និងបញ្ហាប្រឈម ព្រមទាំងរួមគ្នាកំណត់សកម្មភាពគន្លឹះសំរាប់អភិវឌ្ឍ សេដ្ឋកិច្ច-សង្គម ដោយ “ពង្រឹងភាពជាដៃគូ បង្កើនប្រសិទ្ធភាព និងគណនេយ្យភាពទ្វេ ទិសនៃធនធានសាធារណៈ” ក្នុងការអនុវត្ដផែនការយុទ្ធសាស្ដ្រអភិវឌ្ឍន៍ជាតិ ។ ចំណែកលោកស្រី Annette Dixon ប្រធានស្ថានតំណាងរបស់ធនាគារពិភពលោកប្រចាំកម្ពុជាបានបញ្ជាក់ថា រាជរដ្ឋាភិបាលកម្ពុជា និងដៃគូអភិវឌ្ឍន៍មានគោលដៅរួមគ្នា ក្នុងការសំរេចឱ្យបាននូវសមិទ្ធផលនៃកិច្ចអភិវឌ្ឍសំរាប់ប្រជាជនកម្ពុជា ជាពិសេស សំរាប់ប្រជាជនក្រីក្រ និងងាយរងគ្រោះ ។ ជោគជ័យ គឺអាស្រ័យលើប្រសិទ្ធភាពនៃភាព ជាដៃគូរបស់យើង ។
លោកស្រីបានសង្កត់ធ្ងន់លើភាពចាំបាច់ដែលត្រូវធានាថា ការរីកលូតលាស់ឡើងវិញនៃសេដ្ឋកិច្ចជាតិត្រូវយកចិត្ដទុកដាក់ដល់ការដោះស្រាយបញ្ហាសមធម៌ ការធ្វើពិពិធកម្មមូលដ្ឋានកំណើនតម្លាភាពនិងកែលំអសមត្ថភាពប្រកួតប្រជែង ក៏ដូចជាការផ្ដល់ការគាំពារសង្គម និងធានា និរន្ដរភាព។ លោក អូន ព័ន្ធមុនីរ័ត្ន រដ្ឋមន្ដ្រីប្រតិភូ អមនាយករដ្ឋមន្ដ្រី និងជារដ្ឋលេខាធិការ ក្រសួងសេដ្ឋកិច្ច និងហិរញវត្ថុបានមាន ប្រសាសន៍ថា គោលដៅចម្បងនៃកិច្ចប្រជុំ រយៈពេល២ថ្ងៃនេះដើម្បីពិភាក្សាលើវឌ្ឍន ភាព និងកំណែទំរង់របស់រាជរដ្ឋាភិបាលកម្ពុជា ។ រីឯបញ្ហាដីធ្លីវិញកម្ពុជានឹងធ្វើ សេចក្ដីរាយការណ៍លំអិតដល់ប្រទេសម្ចាស់ជំនួយ ។ លោកបន្ដថា ហិរញ្ញប្បទានដែល កម្ពុជាទទួលបានប្រមាណ១.១០០លាន ដុល្លារសំរាប់ឆ្នាំ២០១០នេះ គឺឆ្លើយតបនឹង ផែនការយុទ្ធសាស្ដ្រអភិវឌ្ឍន៍ជាតិនាពេលបច្ចុប្បន្ន ។ ជំនួយទាំងអស់នេះ កម្ពុជានឹងយកទៅអភិវឌ្ឍន៍ជាតិនាពេលបច្ចុប្បន្ន ។ ជំនួយទាំងអស់នេះកម្ពុជានឹងយកទៅ អភិវឌ្ឍន៍លើវិស័យទាំង៤ រួមមានផ្លូវ ទឹក ភ្លើង និងមនុស្ស ។
ចែករំលែកព័តមាននេះ