គ្រោះថ្នាក់ពេលប្រណាំងរថយន្តនៅកាលីហ្វ័រនីញ៉ាស្លាប់8នាក់
ដោយ ៖ ប្រុសកោះ
ថ្ងៃចន្ទ ទី១៦ ខែសីហា ឆ្នាំ២០១០ ម៉ោង ១០:២២
គេហទំព័របរទេស
រថយន្តប្រណាំងបុកមនុស្សហើយក្រឡាប់
អាជ្ញាធរមូលដ្ឋានរាយកាណ៍ថា មនុស្ស៨នាក់បានត្រូវស្លាប់ ហើយ១២នាក់ទៀតត្រូវរបួសដោយសាររថយន្តប្រណាំងមួយគ្រឿងបានបុកលើហ្វូងទស្សនិកជនក្នុងឱកាសនៃការប្រណាំងរថយន្តគ្រប់ទីលានក្នុងតំបន់វាលខ្សាច់ MOJAVES នៅកាលីហ្វ័រនីញ៉ាខាងត្បូង ។ អ្នកនាំពាក្យម្នាក់របស់ប៉ូលិសក្រុងសាន់ប័រណាឌីណូ លោកស្រី CINDY BACHMAN និយាយថា គ្រោះថ្នាក់នេះកើតមានក្រោយម៉ោង២០បន្តិចម៉ោងក្នុងស្រុកក្នុងឱកាសប្រណាំងរថយន្ត CALIFORNIA 200 ។ លោកស្រីបញ្ជាក់ថា ក្រៅពីអ្នកស្លាប់ មនុស្ស១២នាក់ទៀតត្រូវរបួស ក្នុងនោះច្រើននាក់របួសធ្ងន់ ។ ការប្រណាំងរថយន្តនេះធ្វើឡើងក្នុងបឹងមានទឹករីងនៅជិត LUCERNE VALLEY នាតំបន់វាលខ្សាច់ MOJAVES ចំងាយ១៦០គីឡូម៉ែត្រភាគ|សានក្រុងឡូសអេនចឺឡេស៕
