រាជធានីភ្នំពេញ ៖ បុរសម្នាក់បានជិះម៉ូតូក្នុងស្ថានភាពស្រវឹង ហើយបានដួលម៉ូតូបោកក្បាលទៅនឹងចិញ្ចើមថ្នល់រងរបួសធ្ងន់ត្រូវបានរថយន្តសង្គ្រោះដឹកទៅសង្គ្រោះនៅមន្ទីរពេទ្យ ដែលហេតុការណ៍នេះកើតឡើងកាលពីវេលាម៉ោងប្រមាណជិត១១យប់
រាជធានីភ្នំពេញ ៖ បុរសម្នាក់បានជិះម៉ូតូក្នុងស្ថានភាពស្រវឹង ហើយបានដួលម៉ូតូបោកក្បាលទៅនឹងចិញ្ចើមថ្នល់រងរបួសធ្ងន់ត្រូវបានរថយន្តសង្គ្រោះដឹកទៅសង្គ្រោះនៅមន្ទីរពេទ្យ ដែលហេតុការណ៍នេះកើតឡើងកាលពីវេលាម៉ោងប្រមាណជិត១១យប់ ថ្ងៃទី៩ វិច្ឆិកា ២០១៥ នៅម្តុំរង្វង់មូលសំពៅមាស តាមបណ្ដោយផ្លូវលេខ១៦៣ សង្កាត់បឹងព្រលិត ខណ្ឌ៧មករា ។
បុរសរងគ្រោះឈ្មោះ អ៊ុក រិទ្ធិ ភេទប្រុស អាយុប្រហែល៣០ឆ្នាំ ធ្វើការនៅអគ្គលេខាធិការដ្ឋានព្រឹទ្ធសភា ស្នាក់នៅផ្ទះលេខ៩២ ផ្លូវលេខ៩៥ សង្កាត់បឹងត្របែក ខណ្ឌចំការមន រាជធានីភ្នំពេញ ជិះម៉ូតូម៉ាកវ៉េវអាល់ហ្វា ពណ៌ខ្មៅ ពាក់ស្លាកលេខ ភ្នំពេញ 1Z-7796 ។
ប្រភពពីសមត្ថកិច្ចបានឲ្យដឹងថា មុនពេលកើតហេតុបុរសរងគ្រោះបានជិះម៉ូតូតាមបណ្ដោយផ្លូវលេខ១៦៣ក្នុងស្ថានភាពស្រវឹងជោគ ខណៈមកដល់ជិតរង្វង់មូលសំពៅមាស មុខទីបញ្ជាការដ្ឋានកងរាជអាវុធហត្ថខណ្ឌ៧មករា ត្រង់កន្លែងផ្លូវកោងក៏ចាប់ហ្វ្រាំងដួលបោកក្បាលទៅនឹងចិញ្ចឹមថ្នល់រងរបួសធ្ងន់តែម្តង ។
ក្រោយពេលកើតហេតុភ្លាមៗសមត្ថកិច្ចក៏បានហៅរថយន្តសាមុយមកដឹកយកទៅសង្គ្រោះនៅមន្ទីរពេទ្យ ចំណែកម៉ូតូត្រូវបានយកទៅរក្សាទុកឲ្យជនរងគ្រោះនៅអធិការដ្ឋាននគរបាលខណ្ឌ៧មករា ។
សមត្ថកិច្ចបញ្ជាក់ថា នៅជាប់នឹងខ្លួនជនរងគ្រោះមានទូរស័ព្ទ២គ្រឿង អាយផេត១ និងកាបូបលុយ១ ដែលមានលុយ១០០ដុល្លារផងដែរ ៕
ចែករំលែកព័តមាននេះ