រាជធានីភ្នំពេញ ៖ រថយន្តកាមរីស៊េរីឆ្នាំ២០០៧មួយគ្រឿងត្រូវម៉ូតូកង់ជិះមកកៀរឆ្កូតថ្នាំពីមុខដល់ក្រោយ ព្រមទាំងរបើកកាងខាងមុខ ដែលហេតុការណ៍នេះកើតឡើងកាលពីវេលាម៉ោង១០ និង៣០នាទីយប់ ថ្ងៃទី០៣ វិច្ឆិកា ២០១៥ នៅចំណុចមុខ 7Mart
រាជធានីភ្នំពេញ ៖ រថយន្តកាមរីស៊េរីឆ្នាំ២០០៧មួយគ្រឿងត្រូវម៉ូតូកង់ជិះមកកៀរឆ្កូតថ្នាំពីមុខដល់ក្រោយ ព្រមទាំងរបើកកាងខាងមុខ ដែលហេតុការណ៍នេះកើតឡើងកាលពីវេលាម៉ោង១០ និង៣០នាទីយប់ ថ្ងៃទី០៣ វិច្ឆិកា ២០១៥ នៅចំណុចមុខ 7Mart តាមបណ្ដោយផ្លូវលេខ១៦៣ ស្ថិតក្នុងសង្កាត់ទួលទំពូង២ ខណ្ឌចំការមន ។
ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តម៉ាកកាមរី ស៊េរីឆ្នាំ២០០៧ ពណ៌ខ្មៅ ពាក់ស្លាកលេខ ភ្នំពេញ 2K-0444 ចតនៅចិញ្ចើមថ្នល់មុខ 7Mart ហើយមានម៉ូតូកង់៣មួយគ្រឿងបើកមកមិនប្រយ័ត្នកៀររថយន្តនោះបណ្តាលឲ្យឆ្កូតថ្នាំតាំងក្រោយដល់មុខ ហើយថែមទាំងរបើកកាងខាងមុខទៀតផង ។ ភ្លាមៗនោះម្ចាស់រថយន្តក៏ចេញមក ព្រមទាំងដោះស្រាយគ្នាដោយសន្តិវិធីជាមួយម្ចាស់ម៉ូតូកង់៣ បន្ទាប់មកក៏អនុញ្ញាតឲ្យម៉ូតូកង់៣ទៅបាត់ភ្លាមៗដែរ ។
នេះគឺជាសន្តានចិត្តដ៏ល្អ និងគួរឲ្យកោតសរសើរ ដែលម្ចាស់រថយន្តមិនបានយកទោសអូសដំណើរអ្វីដល់អ្នករត់ម៉ូតូកង់៣ ព្រមទាំងដោះស្រាយគ្នាតាមសន្តិវិធីនៅកន្លែងកើតហេតុ ដោយមិនរំខានដល់សមត្ថកិច្ចណាម្នាក់ឡើយ ៕
ចែករំលែកព័តមាននេះ