ខេត្តកណ្ដាល ៖ បុគ្គលិកកាស៊ីណូជនជាតិឥណ្ឌូនេស៊ីម្នាក់បានខ្យល់.គរស្លា.ប់នៅក្នុងបរិវេណកាស៊ីណូក្រោនដ្ត្រាហ្គនរីសត ស្ថិតក្នុងភូមិជ្រៃធំ ឃុំសំពៅពូន ស្រុកកោះធំ កាលពីម៉ោង៥ព្រឹក ថ្ងៃទី១ វិច្ឆិកា
ខេត្តកណ្ដាល ៖ បុគ្គលិកកាស៊ីណូជនជាតិឥណ្ឌូនេស៊ីម្នាក់បានខ្យល់.គរស្លាប់នៅក្នុងបរិវេណកាស៊ីណូក្រោនដ្ត្រាហ្គនរីសត ស្ថិតក្នុងភូមិជ្រៃធំ ឃុំសំពៅពូន ស្រុកកោះធំ កាលពីម៉ោង៥ព្រឹក ថ្ងៃទី១ វិច្ឆិកា គ្រាដែលកំពុងមើលថែសួនច្បារ។
មន្ត្រីនគរបាលស្រុកកោះធំបានឲ្យដឹងថា ជនរងគ្រោះមានឈ្មោះ HARYoNo (ហារីយូណូ) ភេទប្រុស អាយុ៣៥ឆ្នាំ ជាជនជាតិឥណ្ឌូនេស៊ី ជាបុគ្គលិកបំរើការងារមើលថែសួននៅក្នុងកាស៊ីណូក្រោនដ្ត្រាហ្គនរីសត ក្នុងភូមិជ្រៃធំ ឃុំសំពៅពូន ស្រុកកោះធំ ។
បើតាមសាក្សីបានបំភ្លឺប្រាប់នគរបាលថា កាលពីពេលវេលាម៉ោងកើតហេតុខាងលើមាន ឈ្មោះរ៉ូ បឺត នៅអង្គុយជក់បារីខាងមុខបន្ទប់ធ្វើការបានក្រឡេកមើលទៅឃើញជនរងគ្រោះឈ្មោះហារី យូណូ ដួលនៅផ្លូវចូលក្នុងបរិវេណកាស៊ីណូនៅខាងត្បូងពីកន្លែងអង្គុយជក់បារីប្រមាណ១០ម៉ែត្រ ។
ឃើញដូចនេះ ឈ្មោះរី បឺត បានហៅបុគ្គលិក និងមិត្តភក្តិពីរនាក់ទៀតជាជនជាតិឥណ្ឌូនេស៊ីដូចគ្នាមកជួយលើកជនរងគ្រោះឡើងយកមកសង្គ្រោះនៅបន្ទប់សង្គ្រោះរបស់កាស៊ីណូ។ ពេលនាំជនរងគ្រោះមកដល់បន្ទប់សង្គ្រោះ ជនរងគ្រោះបានដាច់ខ្យល់ស្លាប់ទៅហើយ និងបានរាយការណ៍មកនគរបាលប៉ុស្ដិ័ នគរបាលជំនាញចុះទៅពិនិត្យសពជនរងគ្រោះ ឃើញថា ពិតជាស្លាប់ដោយខ្យល់គរពិតប្រាកដមែន៕
ចែករំលែកព័តមាននេះ