រាជធានីភ្នំពេញ ៖ នគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ ព្រះនាមទិវា១១២ បានរងរបួសធ្ងន់ ហើយត្រូវបានគេដឹកយកទៅសង្គ្រោះភ្លាមៗនៅមន្ទីរពេទ្យកាល់ម៉ែត
រាជធានីភ្នំពេញ ៖ នគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ ព្រះនាមទិវា១១២ បានរងរបួសធ្ងន់ ហើយត្រូវបានគេដឹកយកទៅសង្គ្រោះភ្លាមៗនៅមន្ទីរពេទ្យកាល់ម៉ែត ខណៈដែលមន្ត្រីនគរបាលរូបនោះបានឈ្លោះប្រកែកគ្នាជាមួយប្រពន្ធរឿងមិនឲ្យផឹកស៊ីបន្តនៅខារ៉ាអូខេ បន្ទាប់ពីចេញពីស៊ីការមិត្តភក្តិ ទើបខឹងដកកាំភ្លើងបាញ់សម្លាប់ខ្លួននៅក្នុងរថយន្ត គ្រាដែលជនរងគ្រោះជិះរថយន្តជាមួយប្រពន្ធ ។
ករណីបាញ់សម្លាប់ខ្លួនឯងខាងលើនេះ បានកើតឡើងកាលពីវេលាម៉ោង៩និង២០នាទីយប់ ថ្ងៃទី៣១ តុលា ២០១៥ នៅចំណុចក្រោយស្ពានអាកាសស្ទឹងមានជ័យ សង្កាត់បឹងសាឡាង ខណ្ឌទួលគោក ។
ជនរងគ្រោះឈ្មោះចាន់ ផល្លា ភេទប្រុស អាយុ៣៩ឆ្នាំ ជាមន្ត្រីនគរបាលព្រហ្មទណ្ឌកំរិតស្រាលក្រុង ។
តាមប្រភពពីមន្ត្រីនគរបាលព្រហ្មទណ្ឌខណ្ឌទួលគោក បានឲ្យដឹងថា នៅមុនពេលកើតហេតុជនរងគ្រោះ និងប្រពន្ធបានជិះរថយន្តជាមួយគ្នា ពេលនោះប្រពន្ធជនរងគ្រោះបានឈ្លោះប្រកែកជាមួយជនរងគ្រោះរឿងមិនផឹកស្រា រហូតដល់ជនងគ្រោះខឹងបានដកកាំភ្លើងខ្លីម៉ាកK59 បាញ់ក្បាលរបស់ខ្លួនមួយគ្រាប់ បណ្ដាលឲ្យរងរបួសធ្ងន់តែម្តង និងបង្កឱ្យមានការភ្ញាក់ផ្អើលដល់សមត្ថកិច្ចមូលដ្ឋានផងដែរ ។ បន្ទាប់មកជនរងគ្រោះត្រូវបានសមត្ថកិច្ចហៅរថយន្តសង្គ្រោះបន្ទាន់ដឹកយកទៅមន្ទីរពេទ្យកាល់ម៉ែតភ្លាមៗ ដើម្បីសង្គ្រោះជីវិត ។ នៅព្រឹកថ្ងៃទី០១ វិច្ឆិកា ២០១៥ នេះ ជនរងគ្រោះកំពុងសង្គ្រោះបន្ទាន់នៅមន្ទីរពេទ្យកាល់ម៉ែត ។
ចែករំលែកព័តមាននេះ