រាជធានីភ្នំពេញ ៖ បុរសជាជនបរទេសម្នាក់ស្រវឹងស្រាជិះម៉ូតូលឿនពេកគេចរថយន្តមួយគ្រឿងនៅចំណុចកែងបណ្តាលឲ្យដួលសន្លប់មួយសន្ទុះកាលពីវេលាម៉ោង១១និង៣០នាទីយប់ថ្ងៃទី២៥
រាជធានីភ្នំពេញ ៖ បុរសជាជនបរទេសម្នាក់ស្រវឹងស្រាជិះម៉ូតូលឿនពេកគេចរថយន្តមួយគ្រឿងនៅចំណុចកែងបណ្តាលឲ្យដួលសន្លប់មួយសន្ទុះកាលពីវេលាម៉ោង១១និង៣០នាទីយប់ថ្ងៃទី២៥ តុលា តាមបណ្តោយមហាវិថីព្រះនរោត្តមកែងផ្លូវលេខ១៧៨ ក្នុងសង្កាត់ផ្សារថ្មីទី៣ ខណ្ឌដូនពេញ ។
សាក្សីឃើញហេតុការណ៍ បាននិយាយថា មុនពេលពេលកើតហេតុ គេឃើញបុរសជាជនបរទេសម្នាក់ស្រវឹងស្រាជោកជាំ បើកម៉ូតូម៉ាកត្រៃ ពណ៌ខៀវលាយស ពាក់ស្លាកលេខយ៦៥៨១ភព១ ក្នុងទិសដៅពីកើតទៅលិច តាមផ្លូវលេខ១៧៨ លុះមកដល់ចំណុចផ្លូវកែងមានរថយន្តមួយគ្រឿងមិនចាំម៉ាកបើកតាមមហាវិថីព្រះនរោត្តតមពីជើងត្បូង ធ្វើឲ្យម៉ូតូអកហ្សឺជិះលឿនពេកចាប់ហ្វ្រាំងដួលបោកក្បាលសន្លប់នៅក្បែរគម្រកលូសន្លប់មួយសន្ទុះដឹងខ្លួនវិញ ។
ក្រោយពេលកើតហេតុ រថយន្តសង្គ្រោះបានដឹកយកជនរងគ្រោះយកទៅព្យាបាលនៅមន្ទីរពេទ្យកាល់ម៉ែត រីឯម៉ូតូត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌដូនពេញ ៕
ចែករំលែកព័តមាននេះ