ខេត្តកំពត ៖ តាអាចារ្យវត្តម្នាក់ ត្រូវបានចាប់ខ្លួនពីបទចាប់ក្មេងស្រីអាយុ៩ឆ្នាំរំលោភសេពសន្ថវៈនៅបន្ទប់ទឹកក្នុងវត្ត ។ ដោយសារតែក្តីអាម៉ាស់ តាអាចារ្យរូបនោះបានចង.កធ្វើអត្តឃាតក្នុងបន្ទប់ឃុំខ្លួនមុនពេលនាំខ្លួនទៅតុលាការ ។
ការចាប់រំលោភនេះបានកើតឡើងកាលពីព្រឹកថ្ងៃទី២ តុលា ២០១៥ កន្លងមក នៅវត្តមួយ ស្ថិតក្នុងឃុំសំឡាញ់ ស្រុកអង្គរជ័យ ។ តាអាចារ្យជាប់ចោទឈ្មោះ រ័ត្ន ថន អាយុ៧៧ឆ្នាំ ។
ទោះបី តាថន បានប្រកែកពីការចាប់រំលោភក្មេងស្រីក្តី តែសមត្ថកិច្ចបានកសាងសំណុំរឿងបញ្ជូនទៅសាលាដំបូងដើម្បីចាត់ការបន្ត ។ ប៉ុន្តែហេតុការណ៍ភ្ញាក់ផ្អើលមួយបានកើតឡើងនៅចន្លោះម៉ោង៨ និង៣០នាទី ទៅម៉ោង៩ព្រឹក ថ្ងៃទី៨ តុលា ២០១៥ នៅពេលដែលសមត្ថកិច្ចរៀបចំសំណុំឯកសារ ត្រូវបញ្ជូនទៅតុលាការ ក៏ប្រគល់ខោអាវឱ្យ តាថន ស្លៀកពាក់ក្នុងបន្ទប់ឃុំឃាំង ។ ឆ្លៀតពេលសមត្ថកិច្ចចូលទៅយកឯកសារតែមួយប៉ព្រិចភ្នែក ពេលសមត្ថកិច្ចចូលមកនាំខ្លួន ស្រាប់តែឃើញ តាថន យកខោខ្លួនឯងចង.កធ្វើអត្តឃាតស្លាប់បាត់ទៅហើយ ៕
ព័ត៌មានលម្អិតនឹងមានផ្សាយជូននៅលើកាសែតកោះសន្តិភាព
ចែករំលែកព័តមាននេះ