ប្រទេសមីយ៉ាន់ម៉ា (ភូមា) ប្រកាសកាលពីថ្ងៃទី៦ តុលា ថា ខ្លួនរៀបចំបញ្ជូនជនភៀសខ្លួនតាមទូកជាជនជាតិបង់ក្លាដែស១០៥នាក់ទៅកាន់ជំរំជនភៀសខ្លួន TAUNG PYO-LETWE រដ្ឋរ៉ាឃីន មុនពេលបញ្ជូនពួកគេបន្តនាថ្ងៃទី១២
ប្រទេសមីយ៉ាន់ម៉ា (ភូមា) ប្រកាសកាលពីថ្ងៃទី៦ តុលា ថា ខ្លួនរៀបចំបញ្ជូនជនភៀសខ្លួនតាមទូកជាជនជាតិបង់ក្លាដែស១០៥នាក់ទៅកាន់ជំរំជនភៀសខ្លួន TAUNG PYO-LETWE រដ្ឋរ៉ាឃីន មុនពេលបញ្ជូនពួកគេបន្តនាថ្ងៃទី១២ តុលា ខាងមុខនេះទៅកាន់ប្រទេសបង់ក្លាដែសវិញ ។
អាជ្ញាធរភូមាបានបញ្ជូនជនភៀសខ្លួនបង់ក្លាដែសសរុប៦២៦នាក់ទៅស្រុកវិញ ចាប់តាំងពីខែមិថុនាមក បន្ទាប់ពីត្រួតពិនិត្យសញ្ជាតិពួកគេមក ។
កងម៉ារីនជាតិភូមាធ្លាប់ប្រកាសកាលពីខែឧសភាថា បានជួយសង្គ្រោះជនភៀសខ្លួនតាមទូកជាង២០០នាក់នៅ MAUNGTAW រដ្ឋរ៉ាឃីន និងជនភៀសខ្លួនតាមទូកជាង៧០០នាក់ទៀតនៅ PYAPON ភាគខាងត្បូងប្រទេសក្នុងតំបន់ AYEYAWADDY ពេលល្បាតក្នុងដែនទឹកជាតិ ។
យោងតាមអាជ្ញាធរភូមាថា ជនភៀសខ្លួនតាមទូកមួយចំនួនរងគ្រោះដោយសារការរត់ពន្ធមនុស្ស និងបណ្តាអង្គការឧក្រិដ្ឋដែលបញ្ចុះបញ្ចូលពួកគេថា នឹងជួយរកការងារធ្វើនៅថៃ ឬនៅម៉ាឡេស៊ី ៕
ចែករំលែកព័តមាននេះ