ខេត្តកណ្តាល ៖ យុវជនម្នាក់តូចចិត្តសង្សារសុំចែកផ្លូវបានសម្រេចចិត្តចង.កនឹងខ្សែនីឡុងធ្វើអត្តឃាតនៅលើដើមរាំង បង្កឱ្យមានការភ្ញាក់ផ្អើលកាលពីវេលាម៉ោង៥ និង៤៥នាទី ថ្ងៃទី២៧ កញ្ញា នៅត្រង់ចំណុចក្នុងព្រៃស្ថិតក្នុងភូមិដូនស ឃុំគគីរ ស្រុកកៀនស្វាយ។
ជនរងគ្រោះឈ្មោះព្រឿង រើន ភេទប្រុស អាយុ២៤ឆ្នាំ មានស្រុកកំណើតនៅភូមិវាល ឃុំស្រុង ស្រុកគងពិសី ខេត្តកំពង់ស្ពឺ បច្ចុប្បន្នមកស្នាក់នៅធ្វើការជាមួយអង្ការផ្នែកកសិកម្មធ្វើស្រូវក្នុងភូមិ-ឃុំកើតហេតុប្រហែល៣-៤ខែហើយ។
តាមប្រភពពីអ្នកធ្វើការជាមួយបាននិយាយថា កាលពី៤ថ្ងៃមុន ជនរងគ្រោះបានមកធ្វើការធម្មតាទើបតែបាត់ខ្លួនរយៈពេល២ថ្ងៃនេះមិនដឹងទៅណា មិនឃើញចូលធ្វើការទេ ដោយពួកគេនឹកគិតថា ជនរងគ្រោះទៅផ្ទះបងប្អូន ឬស្រុកកំណើត។
លុះនៅថ្ងៃកើតហេតុមានការភ្ញាក់ផ្អើលពីអ្នកនេសាទត្រីប្រទះឃើញសាកសពចង.កសម្លាប់ខ្លួននៅលើដើមរាំងក្នុងព្រៃចម្ងាយពីកន្លែងធ្វើការប្រហែល១.២០០ម៉ែត្រ ក៏នាំគ្នារត់ទៅមើលទើបស្គាល់ថាជាជនរងគ្រោះក៏បានរាយការណ៍ទៅក្រុមគ្រួសារនៅឯស្រុកកំណើត និងសមត្ថកិច្ចចុះមកពិនិត្យតែម្តង។
ក្រោយពេលពិនិត្យកោសល្យវិច័យរួច សមត្ថកិច្ចបានបញ្ជាក់ថា ជនរងគ្រោះពិតជាបានចង.កសម្លាប់ខ្លួនពិតមែនពុំមានស្លាកស្នាមអ្វីពាក់ព័ន្ធនឹងឃាតកម្មឡើយ។
នៅក្នុងហោប៉ៅជនរងគ្រោះសមត្ថកិច្ចរកឃើញសំបុត្រមួយច្បាប់សរសេរថា «ក្រុមគ្រួសារឱ្យខ្ញុំសូមទោសផង អរគុណណាស់ អានាងពៅ» ហើយគូរូបបេះដូងសរសេរថា «អូនរី»។
ទោះជាយ៉ាងណាក្រុមគ្រួសារមិនបញ្ជាក់ពីមូលហេតុច្បាស់លាស់ប្រាប់សមត្ថកិច្ចទេ គ្រាន់តែប្រាប់ថា ជនរងគ្រោះស្រឡាញ់នារីម្នាក់នៅស្រុកកំណើតខេត្តកំពង់ស្ពឺ តែនារីនោះបានសុំផ្តាច់ការទាក់ទងទើបជនរងគ្រោះខូចចិត្តចង.កសម្លាប់ខ្លួនបែបនេះ ៕
ចែករំលែកព័តមាននេះ