ខេត្តក្រចេះ៖ ប៉ូលិសព្រហ្មទណ្ឌបានឱ្យដឹងថា បន្ទាប់ពីឃាត់ខ្លួន និងនាំទៅពិនិត្យន្លែងកើតហេតុម្តងទៀតរួចមក ជនសង្ស័យដែលប៉ុនប៉ងចាប់រំលោ.ភសេពសន្ថវៈលើនារីបរទេសម្នាក់ ត្រូវនគរបាលបញ្ជូនទៅតុលាការនៅថ្ងៃទី២៩ កញ្ញា ២០១៥ ។
ខេត្តក្រចេះ៖ ប៉ូលិសព្រហ្មទណ្ឌបានឱ្យដឹងថា បន្ទាប់ពីឃាត់ខ្លួន និងនាំទៅពិនិត្យន្លែងកើតហេតុម្តងទៀតរួចមក ជនសង្ស័យដែលប៉ុនប៉ងចាប់រំលោភសេពសន្ថវៈលើនារីបរទេសម្នាក់ ត្រូវនគរបាលបញ្ជូនទៅតុលាការនៅថ្ងៃទី២៩ កញ្ញា ២០១៥ ។
ប៉ូលិសបានឱ្យដឹងទៀតថា ជនសង្ស័យត្រូវនគរបាលតាមស្ទាក់ចាប់ខ្លួនភ្លាមៗនៅថ្ងៃទី២៧ កញ្ញា ២០១៥ បន្ទាប់ពីធ្វើសកម្មភាពមិនបានសម្រេច និងព្យាយាមរត់គេចឈ្មោះនឹម ប៊ុនថាន អាយុ២៥ឆ្នាំ ជាអ្នករត់តាក់ស៊ី មានទីលំនៅស្រុកកំពង់សៀម ខេត្តកំពង់
ចាម ដោយធ្វើសកម្មភាពចាប់រំលោភទៅលើនារីបរទេសអាយុ២៤ឆ្នាំម្នាក់ ជនជាតិអង់គ្លេស និងជាអ្នកទេសចរណ៍ផ្នែកជំនាញទីផ្សារ ។
នាយការិយាល័យព្រហ្មទណ្ឌកម្រិតធ្ងន់ខេត្ត លោកហ៊ួត លឹមហ៊ាង បានឱ្យដឹងថា នៅថ្ងៃកើតហេតុទី២៧ កញ្ញា ២០១% ជនសង្ស័យបានបើករថយន្តដឹកភ្ញៀវ មកពីក្រុងសួង ខេត្តត្បូងឃ្មុំ មកទម្លាក់ចុះនៅស្រុកឆ្លូង ខេត្តក្រចេះ។ ក្រោយពីភ្ញៀវចុះអស់ នៅសល់តែនារីបរទេសម្នាក់នេះ បានបន្តដំណើរដល់ខេត្តក្រចេះ ។
ហើយនៅពេលដែលជនជាប់ចោទបានបើករថយន្តដឹកនារីបរទេសមកខេត្តក្រចេះ ក៏បើកចុះតាមផ្លូវមាត់ទន្លេត្រង់ចំនុចឃុំបុសលាវ ស្រុកចិត្របុរី ដែលជាកន្លែងស្ងាត់ ជននេះក៏បានចាប់នាងរំលោភ តែមិនបានសម្រេច ដោយគ្រាន់តែបានសម្រាតខោរបស់នាង និងបានផ្តួលនាងទៅលើដីតែប៉ុណ្ណោះ ។ តែដោយសារតែការរើបំរះរបស់នារីរងគ្រោះ និងដោយអាណិតនាងជននេះ បានបញ្ឈប់សកម្មភាពចាប់រំលោភ និងបានបើករថយន្តដឹកនាងមកដល់ខេត្តក្រចេះ។
យ៉ាងណាក៏ដោយ ក្រោយពីមកដល់ផ្ទះសំណាក់មួយកន្លែងនៅខេត្តក្រចេះនារីបរទេសបានប្រាប់រឿងនេះ ទៅអ្នកបកប្រែ ហើយក៏មានការប្តឹងមកនគរបាល ទើបឈានដល់ការស្ទាក់ដេញចាប់បាន ក្រោយពេលដែលជនសង្ស័យបានបើករថយន្តរត់គេចដល់ស្រុក ឆ្លូង។
លោកនាយការិយាល័យព្រហ្មទណ្ឌកម្រិតធ្ងន់បានបញ្ជាក់ទៀតថា ក្រោយពីមានការឃាត់ខ្លួនជននេះ កំពុងតែធ្វើការសាកសួរ ហើយនគរបាល ក៏គ្រោងនិងបញ្ជូនខ្លួនជននេះទៅសាលាដំបូងខេត្ត នៅថ្ងៃទី២៩ កញ្ញា នេះ ដោយជាប់សង្ស័យលើករណីប៉ុនប៉ង រំលោភសេពសន្ថវៈ ៕
ចែករំលែកព័តមាននេះ