រាជធានីភ្នំពេញ ៖ បុរសវ័យចំណាស់មានជំងឺសរសៃប្រសាទម្នាក់ដើរឆ្លងផ្លូវត្រូវរថយន្តកុងតឺន័របុកហើយកិនបែកក្បាលធ្លាយខួរស្លា.ប់ភ្លាមៗនៅកន្លែងកើតហេតុ ដែលហេតុការណ៍ដ៏គួរឱ្យរន្ធត់នេះកើតឡើងកាលពីវេលាម៉ោង៨
រាជធានីភ្នំពេញ ៖ បុរសវ័យចំណាស់មានជំងឺសរសៃប្រសាទម្នាក់ដើរឆ្លងផ្លូវត្រូវរថយន្តកុងតឺន័របុកហើយកិនបែកក្បាលធ្លាយខួរស្លាប់ភ្លាមៗនៅកន្លែងកើតហេតុ ដែលហេតុការណ៍ដ៏គួរឱ្យរន្ធត់នេះកើតឡើងកាលពីវេលាម៉ោង៨ និង៣៥នាទីយប់ នៅតាមបណ្តោយផ្លូវជាតិលេខ១ ស្ថិតក្នុងភូមិវាលស្បូវ សង្កាត់វាលស្បូវ ខណ្ឌច្បារអំពៅ ។
សាក្សីដែលបានឃើញហេតុការណ៍គ្រោះថ្នាក់ចរាចរណ៍នេះបានឱ្យដឹងថា បុរសរងគ្រោះជាមនុស្សកើតជំងឺសរសៃប្រសាទ៥-៦ឆ្នាំហើយ ហើយក៏មិនដឹងថាមានទីលំនៅពិតប្រាកដនៅទីណាដែរ ។ មុនពេលកើតហេតុគេឃើញជនរងគ្រោះដើរលីបាវដាក់អុសតាមបណ្តោយផ្លូវជាតិលេខ១ពីកើតទៅលិច លុះដល់កន្លែងកើតហេតុគាត់ក៏ឆ្លងថ្នល់ពីជើងទៅត្បូង ខណៈពេលនោះស្រាប់តែមានរថយន្តកុងតឺន័រ១គ្រឿងបើកពីលិចទៅកើតបុកហើយកិនបែកក្បាលធ្លាយខួរមើលមុខលែងស្គាល់ និងស្លាប់ភ្លាមៗតែម្តង ។ ចំណែករថយន្តកុងតឺន័រក៏បន្ថែមល្បឿនគេចខ្លួនបាត់ស្រមោលភ្លាមៗដែរ ។
ក្រោយពេលកើតហេតុ ប្រជាការពារភូមិ និងសមត្ថកិច្ចមូលដ្ឋានបានមកដល់កន្លែងកើតហេតុ និងធ្វើការស្រាវជ្រាវដឹងថា មានកូនជនរងគ្រោះរស់នៅក្នុងសង្កាត់វាលស្បូវ ក៏ផ្តល់ព័ត៌មានទៅក្រុមគ្រួសាររងគ្រោះ ។
ក្រុមគ្រួសារសពបានឱ្យដឹងថា ជនរងគ្រោះឈ្មោះ គួច បេងគា អាយុ៥៤ឆ្នាំ មានជំងឺសរសៃប្រសាទ៦ឆ្នាំមកហើយ មានស្រុកកំណើតនៅផ្សារគីឡូម៉ែត្រលេខ៤ សង្កាត់ទឹកល្អក់៣ ខណ្ឌទួលគោក និងបានយកសពទៅធ្វើបុណ្យតាមប្រពៃណីនៅវត្តព្រែកឯង ៕
ចែករំលែកព័តមាននេះ