រាជធានីភ្នំពេញ ៖ គ្រោះអគ្គិភ័យដ៏រន្ធត់មួយបានសម្លាប់មនុស្សប្រុស-ស្រី៥នាក់ និង២នាក់ទៀតរបួសធ្ងន់ធ្ងរ នៅក្នុងក្លិបកម្សាន្ត ឃី ក្លឹប ដែលស្ថិតនៅតាមបណ្តោយផ្លូវជាតិលេខ២ ក្នុងភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
ហេតុការណ៍នេះ បានកើតឡើងកាលពីវេលាម៉ោង០៨ និង៣០នាទីយប់ថ្ងៃទី៧ កញ្ញា ២០១៥ នៅក្នុងក្លិបឌីស្កូយីហោឃី ក្លឹប សមត្ថកិច្ចនៅកន្លែងកើតហេតុអះអាងថា អ្នកស្លាប់រួមមានបុគ្គលិកទី១-ឈ្មោះកែ លីយ៉ា អាយុ១៦ឆ្នាំ ស្នាក់ភូមិព្រែករាំង១ សង្កាត់កំពុងសំណាញ់ ក្រុងតាខ្មៅ ស្លាប់ទី២ ឈ្មោះសៅ មេសា អាយុ១៩ ស្នាក់ភូមិព្រែករាំង១ សង្កាត់កំពុងសំណាញ់ ក្រុងតាខ្មៅ រោងចក្រ ស្លាប់ទី៣ ធឿន ស្រីរដ្ឋ អាយុ ១៧ឆ្នាំ ស្នាក់ភូមិព្រែករាំង១ សង្កាត់កំពុងសំណាញ់ ក្រុតាខ្មៅ ស្លាប់ ចំណែកឯសាកសពជនរងគ្រោះ២នាក់ និងជនរងគ្រោះ២នាក់ទៀត ដែលរងរបួសធ្ងន់ធ្ងរនោះ សតម្ថកិច្ចនៅមិនទានស្គាល់អត្តញ្ញាណនៅឡើយទេ។
យោងតាមសម្តីរបស់ឈ្មោះគង់ ណារិន អាយុ១៧ឆ្នាំ និងឈ្មោះបុត ប៊ុនដ្ឋា អាយុ១៧ឆ្នាំ មានទីលំភូមិព្រែករាំង ឃុំកំពុងសំណាញ់ ស្រុកតាខ្មៅ ខេត្តកណ្តាល ជាជនរងគ្រោះក្នុងហេតុការណ៍នេះបានឱ្យដឹងថា មុនកើតហេតុ គឺកពុងរៀបចំបើកដំណើរការទទួលភ្ញៀវ តែពេលនោះមិនដឹងយ៉ាងម៉េច ក៏មានភ្លើងឆាបឆេះខ្លាំងចេញពីកន្លែងចាក់ភ្លេង DJ ។
គាត់បន្តទៀត គាត់ព្យាយាមរត់ទៅគោះទ្វារបុគ្គលិក ដែលកំពុងដេកនៅលើបន្ទប់ឡៅតឿ ខណៈភ្លើងឆាបឆេះកាន់តែខ្លាំង ប៉ុន្តែគ្មានអ្នកណាឆ្លើយតបជាមួយគាត់នោះទេ ។ ពេលនោះ ខ្ញុំក៏សម្រេចចិត្តរំដោះខ្លួនចេញតាមច្រកទ្វារខាងក្រោយតែម្តង »។ មន្ត្រីនគរបាលប៉ុស្តិ៍សង្កាត់ចាក់អង្រែក្រោមម្នាក់បានឱ្យដឹងដែរថា គាត់បានឃើញផ្សែងខ្មៅហ៊ុយឡើងយ៉ាងក្រាស់ ប៉ុន្តែមិនមានអណ្តាតភ្លើងទេ ទើបគាត់ និងប្រជាពលរដ្ឋជាច្រើនមានការភ្ញាក់ផ្អើលដល់អាជ្ញាធរបានអន្តរាគមន៍ភ្លាមៗ បន្ទាប់ពីបានឃើញហេតុការណ៍កើតនេះកើតឡើង»។
លោកនេត វន្ថា បានឱ្យដឹងដែរថា ហេតុការណ៍អគ្គិភ័យនេះកើតឡើងប្រមាណជា២ម៉ោងក៏ពន្លត់រលត់វិញ ដោយសមត្ថកិច្ចលោកអន្តរាគមន៍ប្រើប្រាស់រថយន្តពន្លត់អគ្គិភ័យចំនួនជាច្រើនគ្រឿង ហើយបានទប់ស្កាត់មិនឱ្យរាលដាលទៅដល់ផ្ទះជិតខាងឡើយ។ តែអ្វីដែលគួរឱ្យសោកស្តាយក្នុងហេតុការណ៍គ្រោះអគ្គិភ័យដ៏រន្ធត់មួយនេះ បានសម្លាប់មនុស្សប្រុសម្នាក់ និងមនុស្សស្រី៤នាក់ជាបុគ្គលិក ធ្វើការក្នុងក្លិបនេះតែម្តង ។
សមត្ថកិច្ចបន្តទៀតថា ជនរងគ្រោះដែលស្លាប់ខាងលើនេះ គឺបណ្តាលមកពីឈ្លក់ផ្សែង ទើបធ្វើឱ្យបាត់បង់ខ្យល់អុកស៊ីហ្សែន និងអ្នកត្រូវភ្លើងឆាបឆេះអស់មួយចំហៀងខ្លួនក៏មាន ទើបពេលបញ្ជូនទៅមន្ទីរពេទ្យស្លាប់តែម្តង ។
គួររំលឹកថា កាលពីមួយឆ្នាំមុន នៅថ្ងៃទី៦ វិច្ឆិកា ឆ្នាំ២០១៤ នៅវេលាម៉ោង៩ និង៤៥នាទីព្រឹក ក្លិប យីហោ ឃី នេះ ក៏ធ្លាប់មានគ្រោះអគ្គិភ័យបានកើតឡើងនៅក្នុងក្លិបដែលមានអ្នកស្លាប់៣នាក់ក្នុងនោះរួមមានប្រពន្ធថៅកែម្នាក់ផងដែរ ។ ឆ្លៀតឱកាសនោះដែរ សមត្ថកិច្ចការិយាល័យបង្ការ និងពន្លត់អគ្គិភ័យរាជធានី ក៏បានអំពាវនាវទៅប្រជាពលរដ្ឋក្នុងរាជធានីដែលមានអាជីវកម្ម សិប្បកម្មទាំងធំទាំងតូចក្តី ត្រូវប្រុងប្រយ័ត្នខ្ពស់ក្នុងការប្រើប្រាស់ហ្គាសអគ្គិសនី ភ្លើងធូប ទៀន ជាដើម ហើយថា គ្រប់ស្ថាប័នរដ្ឋនិងឯកជន ត្រូវបំពាក់បំពង់ពន្លត់អគ្គិភ័យជាប្រចាំនៅកន្លែងធ្វើការ ។ មួយវិញទៀត ប្រជាពលរដ្ឋនិងអាជ្ញាធរមូលដ្ឋាន ត្រូវចេះសហការចូលរួមអន្តរាគមន៍ជួយគ្នាជាបឋម ពេលមានអគ្គិភ័យកើតឡើង និងត្រូវចាំលេខអង្គភាពពន្លត់អគ្គិភ័យ ៦៦៦៕
ចែករំលែកព័តមាននេះ