ដីកាកោះហៅកញ្ញា សាសា លើកទី២
ខេត្តបាត់ដំបង ៖ ប្រភពព័ត៌មានជឿជាក់មួយបានប្រាប់កោះសន្តិភាពថា សាលាដំបូងខេត្តបាត់ដំបងបានចេញដីកាកោះហៅកញ្ញា ឯក សុជាតា ហៅសាសា ថ្ងៃទី២៨ សីហា ជាដីកាកោះហៅលើកទី២
ខេត្តបាត់ដំបង ៖ ប្រភពព័ត៌មានជឿជាក់មួយបានប្រាប់កោះសន្តិភាពថា សាលាដំបូងខេត្តបាត់ដំបងបានចេញដីកាកោះហៅកញ្ញា ឯក សុជាតា ហៅសាសា ថ្ងៃទី២៨ សីហា ជាដីកាកោះហៅលើកទី២ បន្ទាប់ពីកញ្ញា សាសា មិនចូលខ្លួនតាមដីកាកោះហៅលើកទី១ កាលពីសប្តាហ៍មុន ។
អ្នក ច្បាប់សាលាដំបូងប្រាប់កោះសន្តិភាពថា សម្រាប់ដីកាកោះហៅលើកទី២នេះ ប្រសិនបើសាមុីខ្លួនមិនចូលខ្លួនតាមការកំណត់ទៀតនោះ ដីកាលើកទី៣នឹងត្រូវបញ្ជាឱ្យសមត្ថកិច្ចនាំខ្លួនតាមនីតិវិធី មិនអាចរំលងបានឡើយ ។
ដោយសារតែមិនអាចទាក់ទងបានតាមរយៈ ទូរស័ព្ទដែលកោះសន្តិភាពធ្លាប់តែជួបសម្ភាសន៍នោះ យើងគិតថា កញ្ញា សាសា ប្រាកដជាកំពុងស្នាក់នៅក្នុងក្រុងបាងកកនៅឡើយទេ ។ សប្តាហ៍កន្លងទៅ ឪពុករបស់សាសា បានប្រាប់មេធាវីថា ដោយសារតែកូនស្រីគាត់យីអ៊ុនដាក់ពេក ឆ្នាំនេះមិនអាចឱ្យស្នាក់នៅក្នុងស្រុកបានទេ ទើបឱ្យទៅស្នាក់នៅប្រទេសថៃមួយរយៈទៀត ទម្រាំយីអ៊ុនឡើង ។
គួរកត់សម្គាល់ថា ឧកញ៉ា សុខ ប៊ុន ជាអ្នកមានប្រាក់បានគេចខ្លួនទៅក្រៅប្រទេស ក្នុងអំឡុងមានបញ្ហាជាមួយកញ្ញា សាសា ប៉ុន្តែមានចិត្តក្លាហានហ៊ានវិលវិញ ដើម្បីឱ្យតុលារកយុត្តិធម៌ ហើយសុខចិត្តចូលពន្ធនាគារទៅតាមទោសកំហុសដែលគាត់បាន ប្រព្រឹត្ត ។
ចំណែក កញ្ញា សាសា វិញ គ្រាន់តែជាអ្នកល្បីខាងរូបកាយមានសម្រស់ខាងសិចស៊ីប៉ុណ្ណោះ មិនអាចគិតខ្លីថា «ច្បាប់ខ្លាច» មិនហ៊ានអនុវត្តន៍ មិនអាចរកយុត្តិធម៌ចំពោះរូបនាងបាននោះទេ ។ ការគេចខ្លួនបានត្រឹមតែមួយរយៈពេលប៉ុណ្ណោះ មិនអាចគេចរហូតបានឡើយ ។
គួរកត់សម្គាល់ទៀតថា លោក ឈូក បណ្ឌិត អតីតអភិបាលក្រុងបាវិត ដែលមានខ្នងក្រាស់រឹងដូចស្បែកក្របី គេចខ្លួនបានត្រឹមតែមួយរយៈពេលប៉ុណ្ណោះ ដែលទីបំផុតមិនអាចសម្ងំសុខបាន ក៏ចូលខ្លួនដោយខ្លួនឯង ដើម្បីឱ្យច្បាប់បានអនុវត្ត ។
អ្នកកាសែតទាំងឡាយពេលនេះមិន ខុសពី កញ្ញា សាសា និយាយបង្ហោះផ្លែផ្កាតាមប្រព័ន្ធសង្គមហ្វេសប៊ុកទេ ដោយបញ្ចេញទស្សនៈយ៉ាងក្រអឺតក្រទមថា អ្នកកាសែតកំពុងធ្វើឱ្យ «ល្បីនិងកាន់តែល្បី» នោះពិតជានិយាយត្រូវមែន ។ ពិតជា «ល្បីល្បាញ» ពេញនគរមែន!!
ចែករំលែកព័តមាននេះ