រាជធានីភ្នំពេញ ៖ បុរសម្នាក់ត្រូវបានប្រជាពលរដ្ឋប្តឹងសមត្ថកិច្ចឱ្យចាប់ខ្លួនភ្លាមៗខណៈពេលធ្វើសកម្មភាពប៉ុនប៉ងរំលោភក្មេងស្រីម្នាក់ ។ ហេតុការណ៍នេះបង្កឱ្យមានការភ្ញាក់ផ្អើលកាលពីថ្ងៃទី២១ សីហា ២០១៥ ស្ថិតនៅភូមិព្រែកតាឡុង១ សង្កាត់ចាក់អង្រែក្រោម ខណ្ឌមានជ័យ ។
លោក ម៉េង វិមានដារ៉ា អធិការរងនគរបាលខណ្ឌមានជ័យបានឱ្យដឹងថា ជនសង្ស័យប៉ុនប៉ងរំលោភក្មេងស្រីនេះឈ្មោះសាន់ ប៉េងសួគ៌ អាយុ៣៥ឆ្នាំ មុខរបរមិនពិតប្រាកដ ស្នាក់នៅក្នុងវិហារយេស៊ូគ្រឹស្ត រីឯក្មេងស្រីរងគ្រោះទើបតែមានអាយុ៧ឆ្នាំប៉ុណ្ណោះ ។
ប្រភពពីប្រជាពលរដ្ឋដែលបានប្តឹងសមត្ថកិច្ចបានឱ្យដឹងថា មុនពេលកើតហេតុ ក្មេងស្រីរងគ្រោះបានចេញពីសាលារៀនត្រឡប់ទៅផ្ទះតាមបណ្តោយផ្លូវជាតិលេខ២ លុះដល់ចំណុចកើតហេតុខាងលើស្រាប់តែជនសង្ស័យបានស្ទុះមកចាប់អោបថើប បន្ទាប់មកយកដៃទៅអង្អែលប្រដាប់ភេទ ។ ខណៈនេះក្មេងស្រីរងគ្រោះបានប្រឹងរើបម្រះ និងស្រែកយំខ្លាំងៗ ក៏បានឮដល់ប្រជាពលរដ្ឋដែលនៅក្បែរនោះចេញមកសួរនាំ និងប្តឹងសមត្ថកិច្ចឱ្យមកចាប់ខ្លួនជនសង្ស័យតែម្តង ៕
ចែករំលែកព័តមាននេះ