រាជធានីភ្នំពេញ ៖ អាជីវករលក់មាស និងប្តូប្រាក់តាមប្រព័ន្ធអិុនធើរណេតម្នាក់ ត្រូវបានសមត្ថកិច្ចនគរបាលការិយាល័យព្រហ្មទណ្ឌកម្រិតស្រាល ក្រសួងមហាផ្ទៃ ធ្វើការឃាត់ខ្លួនកាលពីថ្ងៃទី៤ សីហា ២០១៥ ដោយជាប់ពាក់ព័ន្ធពីបទឆបោកប្រាក់ចំនួន៤ម៉ឺនដុល្លារអាមេរិក
រាជធានីភ្នំពេញ ៖ អាជីវករលក់មាស និងប្តូប្រាក់តាមប្រព័ន្ធអិុនធើរណេតម្នាក់ ត្រូវបានសមត្ថកិច្ចនគរបាលការិយាល័យព្រហ្មទណ្ឌកម្រិតស្រាល ក្រសួងមហាផ្ទៃ ធ្វើការឃាត់ខ្លួនកាលពីថ្ងៃទី៤ សីហា ២០១៥ ដោយជាប់ពាក់ព័ន្ធពីបទឆបោកប្រាក់ចំនួន៤ម៉ឺនដុល្លារអាមេរិក ដើម្បីកសាងសំណុំរឿងបញ្ជូនទៅតុលាការចាត់ការតាមនិតិវិធីច្បាប់ ។
ជនសង្ស័យដែលត្រូវឃាត់ខ្លួនមានឈ្មោះ អុឹង ឡាក់ឃីសាន់ឌេយ៍ ភេទប្រុស អាយុ៣២ឆ្នាំ ស្នាក់នៅផ្ទះលេខ១០៩ ភូមិ៧ សង្កាត់មិត្តភាព ខណ្ឌ៧មករា រាជធានីភ្នំពេញ ត្រូវបានចាប់ខ្លួនបន្ទាប់ពីជនរងគ្រោះម្នាក់បានដាក់ពាក្យបណ្ដឹង ។ ក្រោយពេលចាប់ឃាត់ខ្លួន ជនសង្ស័យបានរងនូវពាក្យបណ្តឹងរបស់អាជីវករ៤-៥នាក់បន្ថែមទៀតពីបទឆបោកប្រាក់ដូចគ្នា ។
កាលពីវេលាម៉ោង២រសៀលថ្ងៃទី៦ សីហា ២០១៥នេះ សមត្តកិច្ចនគរបាលព្រហ្មទណ្ឌកម្រិតស្រាល ក្រសួងមហាផ្ទៃ រៀបចំសំណុំរឿងបញ្ជួនជនសង្ស័យទៅកាន់សាលាដំបូងរាជធានីភ្នំពេញ ដោយមានតំណាងអយ្យការកាន់សំណុំររឿងនេះគឺលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ ។
បើតាមសមត្ថកិច្ចអះអាងថា ជនសង្ស័យគ្មានប្រាក់បង្វិលទៅដើមបណ្តឹងទេ ពីព្រោះមិនមែនមានតែបណ្តឹង១ទេ គឺបណ្តឹង៤-៥នាក់ ដោយជាប់ពាក់ព័ន្ធប្រាក់រាប់ម៉ឺនដុល្លារអាមេរិក ។
សមត្ថកិច្ចនគរបាលបានឲ្យដឹងទៀតថា ដើមចមនៃរឿងហេតុនេះគឺឈ្មោះ អុឹង ឡាក់ឃីសាន់ឌេយ៍ បានបើកធ្វើអាជីវកម្មលក់មាស និងប្តូរប្រាក់តាមប្រព័ន្ធអិុនធើរណេត ដោយលក់ចេញ-ទិញចូលក្នុង និងទៅក្រៅប្រទេស ទើបមានជាប់ពាក់ព័ន្ធជំពាក់អាជីវកររកស៊ីដូចគ្នា ត្រូវបានម្ចាស់ប្រាក់គេប្តឹងបែបនេះ ៕
ចែករំលែកព័តមាននេះ