ខេត្តកណ្តាល ៖ ក្មេងស្រីអាយុ២ឆ្នាំម្នាក់បានលង់ទឹកទន្លេស្លា.ប់យ៉ាងអាណោចអាធ័ម បង្កឱ្យមានការភ្ញាក់ផ្អើលកាលពីវេលាម៉ោង៣ និង៤០នាទីរសៀលថ្ងៃទី២៦ កក្កដា ២០១៥ នៅចំណុចទន្លេមេគង្គ ស្ថិតក្នុងភូមិរាំងដេក ឃុំគគីរធំ ស្រុកកៀនស្វាយ ខេត្តកណ្តាល ។
ខេត្តកណ្តាល ៖ ក្មេងស្រីអាយុ២ឆ្នាំម្នាក់បានលង់ទឹកទន្លេស្លាប់យ៉ាងអាណោចអាធ័ម បង្កឱ្យមានការភ្ញាក់ផ្អើលកាលពីវេលាម៉ោង៣ និង៤០នាទីរសៀលថ្ងៃទី២៦ កក្កដា ២០១៥ នៅចំណុចទន្លេមេគង្គ ស្ថិតក្នុងភូមិរាំងដេក ឃុំគគីរធំ ស្រុកកៀនស្វាយ ខេត្តកណ្តាល ។
ប្រភពបានឱ្យដឹងថា ក្មេងស្រីរងគ្រោះឈ្មោះ សៅ ស្រីនិត អាយុ២ឆ្នាំ ជាកូនស្រីទី១ ដែលមានម្តាយឈ្មោះ ទុំ ហៀប អាយុ២៧ឆ្នាំ ជាស្ត្រីមេម៉ាយ រស់នៅភូមិកើតហេតុខាងលើ ។
ប្រភពបន្តទៀតថា មុនពេលកើតហេតុ ស្ត្រីជាម្តាយបានជិះកង់ចេញទៅក្រៅ ដោយទុកកូនស្រីឱ្យជីដូនជួយមើលឱ្យ ខណៈពេលនេះជីដូនជាប់រវល់ការងារផ្ទះមួយភ្លែតស្រាប់តែបាត់ចៅ ក៏ផ្អើលឆោរឡោដើរសួរគេសួរឯងជិតខាងក៏មិនឃើញ ។ ពេលម្តាយមកដល់ផ្ទះវិញក៏នាំគ្នាដើររក ក៏ចុះមើលមាត់ទឹកទន្លេឃើញខោអាវកូននៅមាត់ច្រាំង ក៏មានការសង្ស័យនាំគ្នាចុះរាវក្នុងទឹកប្រទះឃើញកូនលង់ទឹកទន្លេដែលមានជម្រៅប្រហែល១ម៉ែត្រស្លាប់បាត់ទៅហើយ ។
ភ្លាមៗនោះសមត្ថកិច្ចជំនាញបច្ចេកទេសបានចុះធ្វើកោសល្យវិច្ច័យពិនិត្យសពក្មេងស្រីរងគ្រោះ ហើយបញ្ជាក់ថា ក្មេងស្រីរងគ្រោះពិតជាស្លាប់ដោយសារលង់ទឹកខ្លួនឯងប្រាកដមែន ។
សពក្មេងស្រីរងគ្រោះត្រូវបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ