ខេត្តកំពង់ឆ្នាំង ៖ សេចក្តីរាយការណ៍បានឱ្យដឹងថា នៅព្រឹកថ្ងៃទី២៣ កក្កដា នេះ នៅអធិការដ្ឋានស្រុកកំពង់ត្រឡាចមានរៀបចំពិធីប្តូរអធិការថ្មី ដោយអធិការចាស់ លោកហ៊ុល វាសនា ត្រូវបានដកបញ្ឈរជើង
ខេត្តកំពង់ឆ្នាំង ៖ សេចក្តីរាយការណ៍បានឱ្យដឹងថា នៅព្រឹកថ្ងៃទី២៣ កក្កដា នេះ នៅអធិការដ្ឋានស្រុកកំពង់ត្រឡាចមានរៀបចំពិធីប្តូរអធិការថ្មី ដោយអធិការចាស់ លោកហ៊ុល វាសនា ត្រូវបានដកបញ្ឈរជើងនៅស្នងការដ្ឋាននគរបាលខេត្ត និងដាក់ជំនួសមកវិញដោយលោកមាស ស៊ីភិន អធិការស្តីទី។
ការផ្លាស់ប្តូរនេះត្រូវបានធ្វើឡើង បន្ទាប់ពីអធិការចាស់លោកហ៊ុល វាសនា ត្រូវនារីអាយុ១៩ឆ្នាំម្នាក់ រៀនថ្នាក់ទី១២វិទ្យាល័យមួយក្នុងស្រុកកំពង់ត្រឡាចប្តឹងចោទពីបទរំលោភ ដោយគំរាមប្រើអាវុធ។
គួររំលឹកថា លោក ហ៊ុល វាសនា អធិការនគរបាលស្រុកកំពង់ត្រឡាច បានរងការចោទប្រកាន់ពីយុវនារីជាសិស្សថា្នក់ទី១២ មានអាយុ១៩ឆ្នាំម្នាក់ថា បានបញ្ឆោតនាងឱ្យចូលបន្ទប់ស្នាក់នៅជាប់កន្លែងធ្វើការរបស់លោកក្នុងអធិការដ្ឋាននគរបាលស្រុកកំពង់ត្រឡាច រួចយកកាំភ្លើងខ្លីភ្ជង់ក្បាល និងចាប់នាងរំលោភរហូតបានសម្រេចកាលពីថ្ងៃទី១១ ខែកក្កដា ឆ្នាំ២០១៥ ។ ប៉ុន្តែរឿងរ៉ាវដែលមិនគួរកើតមាននេះបានភ្ញាក់ផ្អើលនៅរសៀលថ្ងៃទី២០ ខែកក្កដា ឆ្នាំ២០១៥ ខណៈដែលយុវនារីរងគ្រោះ និងក្រុមគ្រួសារបានមកដាក់ពាក្យប្តឹងនៅស្នងការដ្ឋាននគរបាលខេត្ត, នៅមន្ទីរកិច្ចនារីខេត្ត និងអង្គការសិទ្ឋិមនុស្សនានាក្នុងខេត្ត ។ បើទោះបីបែបនេះក្តីលោកអធិការរូបនោះនិយាយថា ពួកយើងបានស្រឡាញ់គ្នាទេ ៕
ចែករំលែកព័តមាននេះ