រាជធានីភ្នំពេញ ៖ ពាណិជ្ចករម្នាក់រកស៊ីបើកកសិដ្ឋានចិញ្ចឹមជ្រូក និងលក់គ្រឿងចម្លាក់ឈើ ត្រូវបានសមត្តកិច្ចនគរបាលនាយកដ្នានព្រហ្មទណ្ឌក្រសួងមហាផ្ទៃចាប់ឃាត់ខ្លួនបញ្ជួនទៅកាន់សាលាដំបូងរាជធានីភ្នំពេញកាលពីរសៀលថ្ងៃទី២០ កក្កដា ២០១៥
រាជធានីភ្នំពេញ ៖ ពាណិជ្ចករម្នាក់រកស៊ីបើកកសិដ្ឋានចិញ្ចឹមជ្រូក និងលក់គ្រឿងចម្លាក់ឈើ ត្រូវបានសមត្តកិច្ចនគរបាលនាយកដ្នានព្រហ្មទណ្ឌក្រសួងមហាផ្ទៃចាប់ឃាត់ខ្លួនបញ្ជួនទៅកាន់សាលាដំបូងរាជធានីភ្នំពេញកាលពីរសៀលថ្ងៃទី២០ កក្កដា ២០១៥ ដោយជាប់ពាក់ពន្ធពីបទឆបោកលើទឹកប្រាក់ចំនួន១៣៩.២០០ដុល្លារអាមេរិក និងចេញមូលប្បទានប័ត្រគ្មានសាច់ប្រាក់(សែកស្អុយ) ។
ពាណិជ្ជកររូបនោះមានឈ្មោះ សេង សក្ត័មុនី ភេទប្រុស អាយុ៣១ឆ្នាំ មានទីលំនៅផ្ទះលេខ៧៨E0 ផ្លូវលេខ១៤៨ សង្កាត់ផ្សារកណ្តាលទី២ ខណ្ឌដូនពេញ ។
ដើមចមដែលបណ្តាលឲ្យនគរបាលព្រហ្មទណ្ឌក្រសួងមហាផ្ទៃចាប់ឃាត់ខ្លួនពាណិជ្ជករខាងលើបញ្ជួនទៅកាន់សាលាដំបូងរាជធានីភ្នំពេញ ត្រូវបានសមត្ថកិច្ចឲ្យដឹងថា ធ្វើឡើងតាមពាក្យបណ្តឹងរបស់ឈ្មោះ ម៉ននី បណ្ឌិត ភេទប្រុស អាយុ៣១ឆ្នាំ និងឈ្មោះ យស អូន ភេទប្រុស អាយុ៣៤ឆ្នាំ មានអាសយដ្ឋាននៅផ្ទះលេខ៣១ ផ្លូវលេខ១៧៤ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ដែលបានប្តឹងកាលពីថ្ងៃទី៣ កក្កដា ២០១៥ ទៅលើមនុស្ស៣នាក់រួមមាន ១-ឈ្មោះ សេង សក្ត័មុនី ភេទប្រុស អាយុ៣១ឆ្នាំ, ២-ឈ្មោះ សេង សក្ត័សីម៉ា ភេទស្រី អាយុ៣៦ឆ្នាំ និង៣-ឈ្មោះ សេង សត្យា ភេទប្រុស អាយុ៣៥ឆ្នាំ ។
សមត្តកិច្ចបានឲ្យដឹងទៀតថា ដើមបណ្តឹងទាំង២នាក់នេះបានប្តឹងមនុស្សទាំង៣នាក់នេះថា កាលពីក្នុងអំឡុងឆ្នាំ២០១៣ ឈ្មោះ សេង សក្ត័មុនី, សេង សក្ត័សីម៉ា និង សេង សត្យា បានទៅលួងលោមថាមានការខ្វះខាតប្រាក់ក្នុងការប្រកបអាជីវកម្មចិញ្ចឹមជ្រូក និងលក់ចម្លាក់ឈើ ហើយបានពឹងពាក់ខ្ចីប្រាក់ពីឈ្មោះ ម៉ននី បណ្ឌិត និងឈ្មោះ យស អូន ដែលជាដើមបណ្តឹង បន្តិចម្តងៗតាមដំណាក់កាលរហូតដល់ទៅចំនួន១៣៩.២០០ដុល្លារអាមេរិក ។
ក្រោយពីបានប្រាក់នោះទៅប្រកបមុខរបររកស៊ី បងប្អូនទាំង៣នាក់បានខាតឡុងចុង រកប្រាក់បង្វិលសងគេវិញមិនបាន រហូតម្ចាស់លុយតាមទារគ្រប់ពេលវេលា ទើបថ្ងៃមួយបងប្អូន៣នាក់បានប្រគល់មូលប្បទានប័ត្រចំនួន៥សន្លឹកឲ្យទៅដើមបណ្តឹង ដើម្បីទៅបើកប្រាក់ពីធនាគារ ។
សមត្តកិច្ចបន្តថា លុះដល់ថ្ងៃកំណត់ ភាគីដើមបណ្តឹងបានយកមូលប្បទានប័ត្រចំនួន៥សន្លឹកនោះទៅបើកប្រាក់នៅធនាគារ តែត្រូវបានខាងធនាគារឆ្លើយវិញថាជាសែកស្អុយ គ្មានសាច់ប្រាក់ទេ ។
ក្រោយពីដឹងថា មូលប្បទានប័ត្រគ្មានសាច់ប្រាក់ហើយ ដើមបណ្តឹងបានព្យាយាមទាក់ទងរកការសម្របសម្រួលដោះស្រាយបំណុលនោះវិញ តែភាគីចុងបណ្តឹងបិទទូរស័ព្ទមិនអាចទាក់ទងបាន ទើបទៅប្តឹងសមត្ថកិច្ចឲ្យចាត់ការតាមផ្លូវច្បាប់ ។
ទាក់ទិននឹងករណីឃាត់ខ្លួនពាណិជ្ជករចិញ្ចឹមជ្រូកនេះដែរ ស្ត្រីម្នាក់ដែលអះអាងថាជាប្អូនស្រីជនជាប់សង្ស័យឈ្មោះ សេង សក្ត័មុនី បានឲ្យដឹងថា រឿងនេះជារឿងជំពាក់ប្រាក់ មិនមែនជារឿងព្រហ្មទណ្ឌទេ ដូច្នេះសមត្ថកិច្ចមិនគួរប្រញាប់រុញទៅឲ្យតុលាការឡើយ ត្រូវទុកពេលចរចាគ្នាតាមរឿងជំពាក់ប្រាក់សិន ។
នៅល្ងាចថ្ងៃដដែលនោះ តំណាងអយ្យការសាលាដំបូងរាជធានីភ្នំពេញបានផ្ញើជនសង្ស័យឈ្មោះ សេង សក្ត័មុនី ទៅសមត្តកិច្ចវិញ និងតម្រូវឲ្យនាំខ្លួនទៅសាកសួរនៅព្រឹកថ្ងៃទី២១ កក្កដា នេះបន្តទៀ ត ៕
ចែករំលែកព័តមាននេះ