រាជធានីភ្នំពេញ ៖ បុរសម្នាក់សន្លប់ឈឹង ខណៈពេលស្រវឹងស្រាជិះម៉ូតូទៅបុកម៉ូតូជនបរទេសម្នាក់ បណ្តាលឲ្យដួល ហើយជនបរទេសរយះជើងបន្តិចបានទុកលុយ១០០ដុល្លារទៅឲ្យអ្នកឃើញហេតុការណ៍ ដោយប្រាប់ថា(និយាយជាភាសាខ្មែរ) បុរសដែលសន្លប់គឺស្រវឹងស្រាជិះម៉ូតូបុកម៉ូតូគាត់
រាជធានីភ្នំពេញ ៖ បុរសម្នាក់សន្លប់ឈឹង ខណៈពេលស្រវឹងស្រាហើយជិះម៉ូតូទៅបុកម៉ូតូជនបរទេសម្នាក់ បណ្តាលឲ្យដួល ហើយជនបរទេសរយះជើងបន្តិច ហើយបានទុកលុយ១០០ដុល្លារទៅឲ្យអ្នកឃើញហេតុការណ៍ ដោយប្រាប់ថា(និយាយជាភាសាខ្មែរ) បុរសដែលសន្លប់គឺស្រវឹងស្រាជិះម៉ូតូបុកម៉ូតូរបស់គាត់ រួចជនបរទេសម្នាក់នោះ បានលើកម៉ូតូជិះចេញទៅបាត់។ គ្រោះថ្នាក់នេះកើតឡើងនៅវេលាម៉ោង១០និង៤០នាទីយប់ ថ្ងៃទី១២ ខែកក្កដា ត្រង់ចំណុចផ្លូវលេខ៥១កែង១៣៦ សង្កាត់ផ្សារថ្មីទី៣ ខណ្ឌដូនពេញ ។
សាក្សីនៅកន្លែងកើតហេតុបានឲ្យដឹងថា មុនពេលកើតហេតុ ម៉ូតូបង្កម៉ាកវ៉េវអាល់ហ្វា ពណ៌ទឹកប្រាក់ អត់ស្លាកលេខ បើកបរដោយបុរសម្នាក់ ក្នុងស្ថានភាពស្រវឹងជោកជាំធ្វើដំណើរពីលិចទៅកើត តាមផ្លូវលេខ១៣៦ ទៅបុកម៉ូតូម៉ាកស្កុបពីមីនី បើកបរដោយជនជាតិបរទេសម្នាក់ ធ្វើដំណើរតាមផ្លូវលេខ៥១ ពីជើងទៅត្បូង បណ្តាលឲ្យអ្នកបង្កដួលសន្លបឈឹង ចំណែកជនបរទេស គ្រាន់តែរយះជើងបន្តិច ។
ក្រោយពេលកើតហេតុជនរងគ្រោះបាននិយាយជាភាសាខ្មែរថា ស្រវឹងស្រាហើយជិះម៉ូតូ បុកម៉ូតូរបស់គាត់ បណ្តាលឲ្យដួល រួចហើយជនជាតិបរទេសនោះ បានហុចលុយ១០០ដុល្លារទៅឲ្យអ្នកឃើញហេតុការណ៍ ផ្តាំទុកឲ្យជនរងគ្រោះ ហើយលើកម៉ូតូជិះចេញទៅបាត់ ។ បន្ទាប់មកអ្នកដែលទទួលលុយពីជនបរទេសនោះ បានប្រគល់លុយ១០០ដុល្លារ ទៅឲ្យសមត្ថកិច្ចបន្ត ហុចឲ្យអ្នកបើករថយន្តសង្គ្រោះ ដែលដឹកជនរងគ្រោះយកទៅព្យាបាលបន្តទៀត ៕
ចែករំលែកព័តមាននេះ