យោងតាមក្រសួងសុខាភិបាល និងសង្គមកិច្ចកូរ៉េខាងត្បូងថា ពុំមានអ្នកឆ្លងជំងឺផ្លូវដង្ហើមមជ្ឈឹមបូព៌ា MERS ណាម្នាក់ឡើយកាលពីថ្ងៃទី៧ កក្កដា នៅកូរ៉េខាងត្បូង ខណៈដែលអ្នកស្លាប់ក៏ពុំមានដែរចាប់តាំងពី១សប្តាហ៍មកហើយ ។
ចំនួនសរុបនៃអ្នកឆ្លងវីរុសកូរ៉ូណា នាំឱ្យមានជំងឺ MERS នៅតែ១៨៦នាក់ ។ ការឆ្លងវីរុសនោះហាក់ដូចជាចុះថយ ព្រោះមានតែមនុស្សម្នាក់គត់ដែលឆ្លងរយៈពេល៤ថ្ងៃចុងក្រោយនេះ។ ចំណែកអ្នកស្លាប់ពុំមានម្នាក់ណាឡើយចាប់តាំងពី១សប្តាហ៍កន្លងទៅ ។
រដ្ឋាភិបាលកូរ៉េខាងត្បូងប៉ុនប៉ងប្រកាសពីការបញ្ចប់ការឆ្លងរាលដាលនៃជំងឺ MERS ប្រសិនបើរយៈពេល២៨ថ្ងៃពុំកត់សម្គាល់ឃើញមានអ្នកឆ្លងថ្មី ។ ពុំមានអ្នកស្លាប់ថ្មីណាម្នាក់ឡើយចាប់តាំងពី១សប្តាហ៍កន្លងទៅ ដែលចំនួនអ្នកស្លាប់សរុបមាន៣៣នាក់ ។ អ្នកជំងឺ១១៨នាក់បានជាសះស្បើយវិញហើយអនុញ្ញាតឱ្យចាកចេញពីមន្ទីរពេទ្យ នៅសល់អ្នកជំងឺ៣៥នាក់កំពុងបន្តការព្យាបាល ក្នុងនោះ៩នាក់ស្ថិតក្នុងស្ថានភាពដុនដាប ។ រីឯមនុស្សដែលដាក់ឱ្យនៅដាច់ពីគេកាលពីថ្ងៃទី៦ កក្កដា មាន៩០៧នាក់ ហើយធ្លាក់មកនៅត្រឹម៦៧៤នាក់កាលពីថ្ងៃទី៧ កក្កដា ៕
ចែករំលែកព័តមាននេះ