រាជធានីភ្នំពេញ ៖ តាមសេចក្តីរាយការណ៍ពីអ្នកឆ្លើយឆ្លងព័ត៌មានបានឱ្យដឹងថា កាលពីព្រឹកថ្ងៃទី៣ កក្កដា ២០១៥ លោកផេង សុថុល អភិបាលរងខណ្ឌសែនសុខ និងលោកជុំ សារ៉ាយ ចៅសង្កាត់ភ្នំពេញថ្មី
រាជធានីភ្នំពេញ ៖ តាមសេចក្តីរាយការណ៍ពីអ្នកឆ្លើយឆ្លងព័ត៌មានបានឱ្យដឹងថា កាលពីព្រឹកថ្ងៃទី៣ កក្កដា ២០១៥ លោកផេង សុថុល អភិបាលរងខណ្ឌសែនសុខ និងលោកជុំ សារ៉ាយ ចៅសង្កាត់ភ្នំពេញថ្មីបានចុះសួរសុខទុក្ខ និងនាំអំណោយសម្តេចកិត្តិព្រឹទ្ធបណ្ឌិត និងអនុសាខាកាកបាទក្រហមខណ្ឌសែនសុខមកផ្តល់ជូនអ្នកភូមិចំនួន២ភូមិដែលរងគ្រោះដោយខ្យល់កន្ត្រាក់ប៉ើងដំបូលផ្ទះ គឺភូមិត្រពាំងស្វាយ និងភូមិច្រេះចំនួន៧គ្រួសារ។
អំណោយដែលនាំមកចែកជូនជនរងគ្រោះខាងលើ ក្នុងមួយគ្រួសារទទួលបានអង្ករ២៥គីឡូក្រាម មី១កេស ត្រីខ១យួរ ទឹកត្រី១យួរ សារុង១ ភួយ១ មុង១ រួមទាំងថវិកាចំនួន៣ម៉ឺនរៀល។
ជាមួយគ្នានោះដែរ លោកជុំ សារាយ បានចុះពិនិត្យផ្លូវបេតុង និងលូនៅភូមិច្រេះផងដែរ។
សូមបញ្ជាក់ថា អំណោយជាគ្រឿងឧបភោគ បរិភោគជារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ចំណែកថវិកាជាអំណោយរបស់អនុសាខាកាកបាទក្រហមខណ្ឌសែនសុខ៕
ចែករំលែកព័តមាននេះ