ខេត្តកណ្តាល ៖ តាមសេចក្តីរាយការណ៍ពីអ្នកយកព័ត៌មាន បានឱ្យដឹងថា រថយន្តម៉ាកសាំយ៉ុង ពាក់ស្លាកលេខ៣A-៣៩៧៩ មួយគ្រឿង បានក្រឡាប់ផ្ងារជើងនៅកណ្តាលផ្លូវជាតិលេខ១ កាលពីវេលាម៉ោង១២ថ្ងៃត្រង់ថ្ងៃទី២ កក្កដា
ខេត្តកណ្តាល ៖ តាមសេចក្តីរាយការណ៍ពីអ្នកយកព័ត៌មាន បានឱ្យដឹងថា រថយន្តម៉ាកសាំយ៉ុងដឹកទំនិញ ពាក់ស្លាកលេខ៣A-៣៩៧៩ មួយគ្រឿង បានក្រឡាប់ផ្ងារជើងនៅលើផ្លូវជាតិលេខ១ កាលពីវេលាម៉ោង១២ថ្ងៃត្រង់ថ្ងៃទី២ កក្កដា ២០១៥ ស្ថិតនៅក្នុងភូមិធំ ឃុំធំ ស្រុកកៀនស្វាយ ។
ប្រភពព័ត៌មានជំហានដំបូងបានឱ្យដឹងថា រថយន្តសាំយ៉ុងដែលក្រឡាប់នេះ ធ្វើដំណើរពីខេត្តស្វាយរៀងឆ្ពោះមកភ្នំពេញ លុះមកដល់កន្លែងកើតហេតុស្រាប់តែដាច់យ៉ាន់មុខខាងស្តាំទើបរេចង្កូតក្រឡាប់ផ្ងារជើងចាក់ទំនិញចោលនៅលើផ្លូវជាតិតែម្តង និងបណ្តាលឱ្យព្រូរថយន្តម្នាក់រងរបួសស្រាល ត្រូវបានគេបញ្ជូនទៅមន្ទីរពេទ្យដើម្បីព្យាបាល ។
ក្រោយកើតហេតុ មិនបណ្តាលឱ្យកកស្ទះចរាចរណ៍នៅកន្លែងកើតហេតុនោះទេ ដោយសារសមត្ថកិច្ចមូលដ្ឋានជួយសម្រួលចរាចរណ៍ទាន់ពេល ៕
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ