ខេត្តព្រះសីហនុ ៖ កម្លាំងសមត្ថកិច្ចជំនាញការិយាល័យអន្តោប្រវេសន៍នៃស្នងការដ្ឋាននគរបាលខេត្តព្រះសីហនុ សហការជាមួយកម្លាំងជំនាញព្រហ្មទណ្ឌ កាលពីម៉ោង០៧យប់ថ្ងៃទី២២ មិថុនា ២០១៥ បានធ្វើការឡោមព័ទ្ធចាប់ជនបរទេសចំនួន៣នាក់ ខណៈពួកគេកំពុងផឹកស៊ីនៅក្នុងភោជនីយដ្ឋានផលិតស្រាបៀរ Five men ដែលមានទីតាំងស្ថិតនៅភូមិ១ ក្នុងសង្កាត់លេខ៣ ក្រុងព្រះសី
ខេត្តព្រះសីហនុ ៖ កម្លាំងសមត្ថកិច្ចជំនាញការិយាល័យអន្តោប្រវេសន៍នៃស្នងការដ្ឋាននគរបាលខេត្តព្រះសីហនុ សហការជាមួយកម្លាំងជំនាញព្រហ្មទណ្ឌ កាលពីម៉ោង០៧យប់ថ្ងៃទី២២ មិថុនា ២០១៥ បានធ្វើការឡោមព័ទ្ធចាប់ជនបរទេសចំនួន៣នាក់ ខណៈពួកគេកំពុងផឹកស៊ីនៅក្នុងភោជនីយដ្ឋានផលិតស្រាបៀរ Five men ដែលមានទីតាំងស្ថិតនៅភូមិ១ ក្នុងសង្កាត់លេខ៣ ក្រុងព្រះសីហនុ ខេត្តព្រះសីហនុ ។
ជនបរទេសទាំង២នាក់ ក្រោយពីធ្វើការឃាត់ខ្លួនត្រូវបានបញ្ជូនទៅស្នងការដ្ឋាននគរបាលខេត្តព្រះសីហនុភ្លាមៗ ដើម្បីធ្វើការសាកសួរ ពាក់ព័ន្ធពីបទបង្កហិង្សាដោយចេតនា ដែលមានស្ថានទម្ងន់ទោសដែលបានប្រព្រឹត្តិនៅភូមិ៣ សង្កាត់លេខ៣ ក្រុងព្រះសីហនុ កាលពីថ្ងៃទី១៣ កុម្ភៈ ២០១៥ កន្លងមក ក្នុងកាស៊ីណូ Queen Co ។
ជនជាប់សង្ស័យទាំង៣នាក់ខាងលើ ក្រោយពីធ្វើការសាកសួរអស់ជាច្រើនម៉ោង ២នាក់ត្រូវបានដោះលែងវិញ (គ្មានការពាក់ព័ន្ធ) ជនសង្ស័យដែលចាប់ខ្លួនមានឈ្មោះ ROMAN DRAGOMIR ភេទប្រុស កើតថ្ងៃទី២១ មករា ១៩៧៦ កាន់លិខិតឆ្លងដែនលេខ ៧១៧៧០៤៤៧៣ ។
គួរបញ្ជាក់ថា ជនជាប់ចោទខាងលើនេះ កាលពីថ្ងៃទី១៣ កុម្ភៈ ២០១៥ កន្លងមក ពួកគេរួមនិងបក្សពួកមួយចំនួនទៀត បានធ្វើសកម្មភាពប្រើប្រាស់កាំភ្លើងខ្លីជាកាំភ្លើងប្រភេទទំនើប អាចប្រើគ្រាប់ពិត, គ្រាប់ខ្យល់, គ្រាប់ឃ្លី និងប្រព័ន្ធឆក់ធ្វើការវាយប្រហារទៅលើជនរងគ្រោះជាជនជាតិរុស្សីដូចគ្នា បណ្តាលឱ្យរបួសធ្ងន់ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ