រាជធានីភ្នំពេញ ៖ បុរសជនជាតិបរទេសម្នាក់ស្រវឹងស្រាជោកជាំបានបើកម៉ូតូធំម៉ាកហាក់ឡី ពណ៌ខ្មៅ មួយគ្រឿងក្នុងល្បឿនលឿន ហើយបានបត់ឆ្វេងត្រលប់ក្រោយជ្រុលចង្កូតទៅបុកទ្វារផ្ទះ១ល្វែងបណ្តាលឱ្យបាក់ធ្លាយកៀបជាប់ទៅមុខលែងរួច តែមិនបណ្តាលឱ្យមានអ្នករងរបួសទេ។
ក្រោយកើតហេតុភ្លាមៗ ម្ចាស់ផ្ទះបានចេញមកសួរនាំ ត្រូវជនបរទេសស្រវឹងស្រាជោកជាំនោះដេញវាយ បង្កឱ្យមានភាពភ្ញាក់ផ្អើលដល់ប៉ូលិសអន្តរាគមន៍ខណ្ឌសែនសុខ កាលពីរវេលាម៉ោង២ និង១០នាទីរំលងអាធ្រាត្រ ឈានចូលថ្ងៃទី១៦ មិថុនា ២០១៥។
ជនបរទេសស្រវឹងស្រាខាងលើឈ្មោះ JUUSO MIIKKAAEL ស្នាក់នៅផ្ទះលេខ២១៦អិ០ សង្កាត់ផ្សារថ្មីទី៣ ខណ្ឌដូនពេញ ចំណែកម្ចាស់ផ្ទះឈ្មោះកែវ សិលា អាយុ៣៤ឆ្នាំ ជាកម្មករកាត់ដេរសម្លៀកបំពាក់ សាន់ឡុង ស្នាក់នៅផ្ទះល្វែងលេខ២៧B ក្រុម៦ ភូមិទឹកថ្លា សង្កាត់ទឹកថ្លា ខណ្ឌសែនសុខ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ