ឃាត់ខ្លួនអ្នកជក់ស៊ីហ្សា៣១នាក់ នៅក្លិបកម្សាន្ត «ហែងអូវើអេវវិនញូ»
រាជធានីភ្នំពេញ៖ ក្លិបកម្សាន្តឈ្មោះ «ហែងអូវើអេវិនញូ» ដែលប្រើប្រាស់គ្រឿងញៀ.នប្រភេទស៊ីហ្សា គេឃើញមានយុវវ័យប្រុស-ស្រីជាច្រើននាក់
រាជធានីភ្នំពេញ៖ ក្លិបកម្សាន្តឈ្មោះ «ហែងអូវើអេវិនញូ» ដែលប្រើប្រាស់គ្រឿងញៀនប្រភេទស៊ីហ្សា គេឃើញមានយុវវ័យប្រុស-ស្រីជាច្រើននាក់ ចូលទៅផឹកស៊ីរាំសប្បាយ ហើយក្លិបនេះទើបតែបើកបាន២សប្ដាហ៍ប៉ុណ្ណាះ ក៏ត្រូវបានសមត្ថកិច្ចខណ្ឌចំការមនសហការជាមួយមន្ទីរប្រឆាំងគ្រឿងញៀនចុះបង្ក្រាប កាលពីវេលាម៉ោង៨យប់ថ្ងៃទី៣០ ឧសភា ស្ថិតនៅតាមបណ្ដោយផ្លូវលេខ៣២០ ផ្ទះលេខ១៣ ក្រុម៣១ ភូមិ៦ សង្កាត់បឹងកេងកងទី៣ ខណ្ឌចំការមន ។
ករណីចុះបង្ក្រាបកន្លែងជក់ស៊ីហ្សាខាងលើនេះ ដឹកនាំដោយលោក ហ៊ាង ថារ៉េត អធិការរងខណ្ឌចំការមន លោកព្រះរាជអាជ្ញា ជា ម៉េត និងមន្ទីរប្រឆាំងគ្រឿងញៀន រួមជាមួយអាជ្ងាធរមូលដ្ឋាន សមត្ថកិច្ចឃាត់ខ្លួនអ្នកជក់ស៊ីហ្សាប្រមាណ៣១នាក់ (ស្រី៩នាក់) ។ ទោះជាយ៉ាងណាក្តី អ្នកទាំងអស់នេះមិនទាន់ត្រូវបានស្គាល់អត្តសញ្ញាណនៅឡើយទេ ។ សមត្ថកិច្ចដកហូតបានវត្ថុតាង ឧបករណ៍ជក់ស៊ីហ្សាចំនួន៣៨បំពង់ ម៉ូតូចំនួន១២គ្រឿង និងរថយន្ត២គ្រឿង ។
សូមរំឭកថា សាលារាជធានីភ្នំពេញ បានចេញសេចក្តីណែនាំឲ្យបញ្ឈប់ការប្រើប្រាស់គ្រឿងញៀន ប្រភេទស៊ីហ្សា នៅតាមក្លិបកម្សាន្ត និងបារនានា ដែលធ្វើឲ្យប៉ះពាល់ដល់សុខភាព ៕
ចែករំលែកព័តមាននេះ