ខ្លាទោះបីកាចសាហា.វខ្លាំងបែបណាក៏ដោយ វាមិនដែលស៊ីកូនឯងទេ… ជ្រូកជាសត្វស្លូតបំផុត… ប៉ុន្តែកាលណាវាកើតកូន សូម្បីម្ចាស់វាក៏មិនអាចទៅជិតបានដែរ… ។
ស្ត្រីមេម៉ាយម្នាក់មានកូនប្រុសអាយុ៦ឆ្នាំ ជាស្តេចរពិស… ចូលចិត្តលេងភ្លើង… លេងដែកកេះ…
ខ្លាទោះបីកាចសាហាវខ្លាំងបែបណាក៏ដោយ វាមិនដែលស៊ីកូនឯងទេ… ជ្រូកជាសត្វស្លូតបំផុត… ប៉ុន្តែកាលណាវាកើតកូន សូម្បីម្ចាស់វាក៏មិនអាចទៅជិតបានដែរ… ។
ស្ត្រីមេម៉ាយម្នាក់មានកូនប្រុសអាយុ៦ឆ្នាំ ជាស្តេចរពិស… ចូលចិត្តលេងភ្លើង… លេងដែកកេះ… លេងឈើគូស… ម្តាយហាមមិនស្តាប់សោះ ។ តាមពិតទៅវានៅតូចពេក ។ ដោយសារប្រដៅមិនបាន ក៏ចាប់ចងដៃ ចងជើង ឱ្យដេកហាលថ្ងៃ ជាការព្រមាន ឱ្យរាងចាលប៉ុណ្ណោះ មិនសមយកទៅដាក់ក្នុងមន្ទីរឃុំឃាំង ដូចអ្នកច្បាប់នៅសាលាដំបូងខេត្តកណ្តាល កាត់ទោសឡើយ ។
មែនទែនទៅខូចមកពីប៉ូលិស ។ ប៉ូលិសទៅចាប់ មិនបានធ្វើការប្រដៅ ជួយអប់រំណែនាំម្តាយកំណាចនោះទេ ភ្លាមឡើងបញ្ជូនទៅប៉ូលិសមួយទៀត ឈ្មោះអ្នកការពារអនីតិជន ។ ប៉ូលិសស្ថាប័នមួយនេះកាន់តែពូកែធ្វើការទៀត… អត់ចេះអប់រំណែនាំម្តាយកំណាចនេះសោះ… ភ្លែតឡើងបញ្ជូនឱ្យផុតពីដៃទៅសាលាដំបូងតែម្តង ទំនងអត់ឃើញមានអ្នករត់ការ… ។ ទៅដល់សាលាដំបូង ព្រះរាជអាជ្ញាដែលជាឪច្បាប់បានដល់ដៃ ក៏ចាប់ផ្តើមចោទប្រកាន់តាមច្បាប់ ដែលច្បាប់នោះ មនុស្សជាអ្នកធ្វើ… យកទៅដាក់គុកតែម្តង អត់មើលមុខមើលក្រោយ បន្តិចសោះទំនងមិនឃើញមានអ្នករត់ការ… ។ ម្ល៉ោះហើយអ្នកម្តាយ នៃកូនដែលមានអាយុ៦ឆ្នាំនេះ ត្រូវប៉ូលិសបញ្ជូនតត្រុកនាំទៅដាក់គុកខេត្តកណ្តាល ដោយគ្មានត្រាប្រណី ប៉ុនអាចម៍រុយឡើយ ។
តុលាការឯករាជ្យមែនហើយ… ប៉ុន្តែជ្រុលពេកហើយ… អង្គការនីតិប្រតិបត្តិ ដែលទទួលបន្ទុកការពារប្រជាជន មិនសមនៅស្ងៀមទេ… ត្រូវមើលសុខទុក្ខប្រជានុរាស្ត្រផង… កុំឱ្យតុលាការជិះសេះលែងដៃពេក ។
ខុសបន្តិចបន្តួចបែបរឿងពុកមាត់ឆ្មា ត្រឹមអប់រំបាន… មិនគួរស្អីឡើង ញាត់គុក ដូចលោកតុលាការម្នាក់ នៅខេត្តកណ្តាលបែបនេះសោះ… ស្តាយណាស់ !
បើកាត់ទោសផុយស្រួយបែបនេះ មានគុកឯណាសម្រាប់ដាក់មនុស្សលោកទៅ ?
ដាក់គុកមនុស្សបែបនេះ… មានន័យថា គុកអត់ន័យ!… ។ល។
អាឡេវ
ចែករំលែកព័តមាននេះ