រាជធានីភ្នំពេញ ៖ រថយន្តស៊េរីទំនើបមួយគ្រឿង ត្រូវប្រជាពលរដ្ឋប្រទះឃើញបើកយកចតចោលនៅខាងត្បូងផ្សារទំនើប
សុវណ្ណា ហើយបានទៅរាយការណ៍ជូនអាជ្ញាធរមូលដ្ឋានឱ្យចុះទៅធ្វើការត្រួតពិនិត្យ ដែលហេតុការណ៍នេះបង្កឱ្យមានការភ្ញាក់ផ្អើល
រាជធានីភ្នំពេញ ៖ រថយន្តស៊េរីទំនើបមួយគ្រឿង ត្រូវប្រជាពលរដ្ឋប្រទះឃើញបើកយកចតចោលនៅខាងត្បូងផ្សារទំនើប
សុវណ្ណា ហើយបានទៅរាយការណ៍ជូនអាជ្ញាធរមូលដ្ឋានឱ្យចុះទៅធ្វើការត្រួតពិនិត្យ ដែលហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង០៩ និង៣០នាទីព្រឹកថ្ងៃទី០៥ ឧសភា ២០១៥ ស្ថិតនៅជាប់ផ្សារទំនើបសុវណ្ណា (ផ្នែកខាងត្បូង) តាមបណ្តោយផ្លូវហ្គោល ក្នុងសង្កាត់ទំនប់ទឹក ខណ្ឌចំការមន ។
ប្រភពបានឱ្យដឹងថា រថយន្តស៊េរីទំនើបមួយគ្រឿងដែលយកមកចតចោលនេះ គឺរថយន្តម៉ាកព្រូស ពណ៌ទឹកប្រាក់ គ្មានស្លាកលេខ ត្រូវបានគេយកមកទុកចោល កាលពីព្រឹកថ្ងៃទី០៤ ឧសភា ២០១៥ មកម្ល៉េះ ។
តាមប្រភពបន្តទៀតថា ក្រោយពីប្រជាពលរដ្ឋរាយការណ៍ពីករណីនេះរួចមក កម្លាំងនគរបាលមូលដ្ឋាន ក៏បានចុះមកធ្វើការត្រួតពិនិត្យមើលដោយរក្សាទុកនៅដដែល ដើម្បីរង់ចាំក្រែងម្ចាស់មកយកទៅវិញ ។ លុះដល់ព្រឹកថ្ងៃទី០៥ ឧសភា នេះ មិនឃើញម្ចាស់មកយកដដែល។
កម្លាំងអាជ្ញាធរមូលដ្ឋាន ក៏បានចុះទៅធ្វើការត្រួតពិនត្យម្តងទៀត និងអូសយកទៅរក្សាទុកនៅប៉ុស្តិ៍រដ្ឋបាលនគរបាលទំនប់ទឹក ដើម្បីធ្វើការស្រាវជ្រាវរកម្ចាស់ជាបន្ត ។
ចែករំលែកព័តមាននេះ