ខេត្តស្ទឹងត្រែង ៖ យុវជនម្នាក់ត្រូវកម្លាំងការិយាល័យព្រហ្មទណ្ឌកម្រិតស្រាលធ្វើការចាប់ខ្លួន បន្ទាប់ពីមានពាក្យបណ្តឹងពីជនរងគ្រោះប្តឹងក្នុងករណីហិ.ង្សា កាលវេលាម៉ោងជាង៧យប់ថ្ងៃទី៣០ មេសា ២០១៥ ស្ថិតនៅភូមិព្រែក ក្នុងសង្កាត់ស្ទឹងត្រែង ក្រុងស្ទឹង
ខេត្តស្ទឹងត្រែង ៖ យុវជនម្នាក់ត្រូវកម្លាំងការិយាល័យព្រហ្មទណ្ឌកម្រិតស្រាលធ្វើការចាប់ខ្លួន បន្ទាប់ពីមានពាក្យបណ្តឹងពីជនរងគ្រោះប្តឹងក្នុងករណីហិង្សា កាលវេលាម៉ោងជាង៧យប់ថ្ងៃទី៣០ មេសា ២០១៥ ស្ថិតនៅភូមិព្រែក ក្នុងសង្កាត់ស្ទឹងត្រែង ក្រុងស្ទឹងត្រែង ។
តាមប្រភពឱ្យដឹងថា មុនដំបូងឡើយ ជនរងគ្រោះមានគ្នា២ ទៅ៣នាក់ បាននាំគ្នាអង្គុយជួបជុំហូបចុកបន្តិចបន្តួច ខណៈនោះជនសង្ស័យបានដើរសំដៅទាំងដៃកាន់កាំបិត ហើយក៏បានចាប់ដៃជនរងគ្រោះម្នាក់ ក្នុងចំណោមនោះយកកាំបិតទៅអារដៃធ្វើឱ្យរបួសដៃខាងឆ្វេង តែមិនធ្ងន់ធ្ងរទេ ។ ក្រោយមក ជនសង្ស័យបានគំរាមទៅជនរងគ្រោះមិនឱ្យប្តឹងសមត្ថកិច្ចណាឡើយ ។
សាក្សីម្នាក់ឈ្មោះថុន ដែន បានរៀបរាប់ថា ពេលនោះខ្លួនបានទៅអង្គុយលេងនៅផ្ទះឈ្មោះវ័ន្ត ហើយឈ្មោះប៊ូរ ចាន់សាយ កំពុងផឹកស្រាជាមួយឈ្មោះរី, ឈ្មោះឡន ដែលជាម្ចាស់ផ្ទះ ស្រាប់តែជនសង្ស័យម្នាក់ចូលទៅហើយចាប់ដៃរបស់ឈ្មោះប៊ូរ ចាន់សាយ យកកូនកាំបិតអារ បណ្តាលឱ្យរបួសកំភួនដៃឆ្វេង ភ្លាមនោះក៏បង្កការផ្អើល ហើយជនរងគ្រោះបានឱ្យមិត្តភក្តិជួយរុំមុខរបួសឱ្យចំណែកជនសង្ស័យ ក៏បានគេចខ្លួន លុះមួយសន្ទុះក្រោយមក ក៏ឮដំណឹងថា កម្លាំងប៉ូលិសចាប់ខ្លួនបាន ។
លោកហោ វុទ្ធី នាយការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តឱ្យដឹងថា ជនសង្ស័យឈ្មោះយ៉ែម ភក្កី ហៅ ចេស ភេទប្រុស អាយុ៣២ឆ្នាំ មានទីលំនៅភូមិព្រែក សង្កាត់ស្ទឹងត្រែង ក្រុងស្ទឹងត្រែង ជាមុខសញ្ញាចាស់ ធ្លាប់ជាប់ពន្ធនាគារ២លើកមកហើយ ។
ជនសង្ស័យជាជនប្រើប្រាស់ថ្នាំញៀន និងបានជាប់ពន្ធនាគារ២លើក ក្នុងករណីបទល្មើផ្សេងពីគ្នា ដែលបានប្រព្រឹត្តនៅក្រុងស្ទឹងត្រែងកន្លងមក បច្ចុប្បន្នជំនាញបានកំពុងកសាងសំណុំរឿងបញ្ចូនទៅបញ្ជូនទៅសាលាដំបូង ដើម្បីចាត់ការតាមផ្លូវច្បាប់។
ជនសង្ស័យរូបនេះ បានឆ្លើយសារភាពថា ខ្លួនគ្រាន់តែធ្វើលេងប៉ុណ្ណោះ ក៏ត្រូវប៉ូលិសចាប់ខ្លួនដែរ មុនដំបូងឡើយ ខ្លួនបានឃើញអ្នកនៅក្នុងភូមិអង្គុយផឹកស្រា ខ្លួនក៏យកកាំបិតទៅអារដៃគេលេងទេ តែមិននឹកស្មានថា បែរជាទៅចំមុខកាំបិតវិញ បណ្តាលឱ្យរបួសតែម្តង ៕
ចែករំលែកព័តមាននេះ