ខេត្តត្បូងឃ្មុំ ៖ ក្មេងស្រីឈ្មោះ រ៉ា លីណា អាយុ៧ឆ្នាំ បានដើរឆ្លងផ្លូវជាតិលេខ៨ទៅទិញនំត្រូវរថយន្តម៉ាកវីហ្គោ១គ្រឿងពណ៌ទឹកប៊ិចបុកស្លា.ប់យ៉ាងអណោចអធម៌ ។ ហេតុការណ៍នេះបានកើតឡើងកាលពីវេលាម៉ោងប្រហែល៥ និង៤៥នាទី
ខេត្តត្បូងឃ្មុំ ៖ ក្មេងស្រីឈ្មោះ រ៉ា លីណា អាយុ៧ឆ្នាំ បានដើរឆ្លងផ្លូវជាតិលេខ៨ទៅទិញនំត្រូវរថយន្តម៉ាកវីហ្គោ១គ្រឿងពណ៌ទឹកប៊ិចបុកស្លាប់យ៉ាងអណោចអធម៌ ។ ហេតុការណ៍នេះបានកើតឡើងកាលពីវេលាម៉ោងប្រហែល៥ និង៤៥នាទីល្ងាច ថ្ងៃទី១៩ មេសា ២០១៥ នៅភូមិអំពិល ឃុំកក់ ស្រុកពញាក្រែក ចំណែកអ្នកបើកបររថយន្តមិនត្រូវបានគេបង្ហាញពីអត្តសញ្ញាណនោះទេបានរត់គេចខ្លួនបាត់ ។
លោកវរសេនីយ៍ត្រី អោម មុនីវណ្ណ អធិការនគរបាលស្រុកពញាក្រែកប្រាប់ឲ្យដឹងថា មនុស្សជិះក្នុងរថយន្តមានគ្នាចំនួន២នាក់ បានចេញដំណើរពីរាជធានីភ្នំពេញដើម្បីមកចូលរួមពិធីសម្ពោធផ្ទះសំណាក់ និងខារ៉ាអូខេរបស់លោកឧកញ៉ាម្នាក់នៅស្រុកមេមត់ តែមកមិនទាន់នឹងដល់គោលដៅផងនោះក៏បានបុកក្មេងស្រីដែលកំពុងតែឆ្លងផ្លូវជាតិមកពីទិញនំហូបបណ្តាលឱ្យស្លាប់ភ្លាមៗ។
លោកវរសេនីយ៍ត្រី អោម មុនីវណ្ណ អធិការនគរបាលស្រុកពញាក្រែក ប្រាប់បន្តថា ក្រោយពីបុកក្មេងស្រីឈ្មោះ លីណា ស្លាប់ហើយនោះអ្នកបើកបររថយន្តបានប្រញាប់បើកទ្វាររត់គេចខ្លួនបាត់ នៅសល់អ្នករួមដំណើរម្នាក់ប៉ុណ្ណោះ ។ ក្រោយពីដឹងថា នៅក្នុងហេតុការណ៍គ្រោះថ្នាក់ចរាចរនេះមិនស្រួលរូបលោកក៏បានដឹកនាំកម្លាំងជំនាញក្រោមឱវាទចុះទៅជាច្រើននាក់ឃើញមានប្រជាពលរដ្ឋមិនតិចជាង៥០នាក់នោះទេ ខ្លះកាន់ព្រនង់ ថែមទាំងបានស្រែកជេរនូវពាក្យអសុរស មកលើរូបលោកថែមទៀត។
លោកវរសេនីយ៍ត្រីបានបន្តថា ហេតុតែខ្លាចគ្រោះថ្នាក់ដល់អាយុជីវិតអ្នករួមដំណើរជិះលើរថយន្តវីហ្គោនោះ លោកក៏បានឲ្យមកឡើងជិះរថយន្តស៊ីរ៉ែន ថែមទាំងបានឆ្លងយោបល់មកលោកព្រះរាជអាជ្ញាអមសាលាដំបូងខេត្តថែមទៀត។ លោកវរសេនីយ៍ត្រី អោម មុនីវណ្ណ អធិការនគរបាលស្រុកពញាក្រែកបញ្ជាក់ថា រហូតដល់ម៉ោង១១យប់ថ្ងៃដដែល(១៩មេសា ) កម្លាំងអាវុធហត្ថខេត្តព្រៃវែង បានយកលុយចំនួន១០លានរៀល មកបង់ឲ្យភាគីឪពុកម្តាយរបស់ក្មេងស្រីដែលស្លាប់នោះដើម្បីបញ្ចប់បញ្ហាវិវាទកើតឡើងជាយថាហេតុ ។
មុនពេលដែលរូបលោកបានចុះទៅអន្តរាគមន៏កន្លែងគ្រោះថ្នាក់ចរាចរនោះ នៅភូមិអំពិល ឃុំកក់ នោះមានជនម្នាក់បានមកឆបោកយកខ្សែក ខ្សៃដៃពីអ្នកជិះរថយន្តវីហ្គោថា បញ្ចប់ការប្តឹងផ្តល់ តែផ្ទុយទៅវិញបានយកទៅបាត់ស្រមោល បើសិនជាលក់គ្រឿងអលង្ការនោះ ក្រៅពីបង់លុយចំនួន១០លានរៀលទៅឲ្យភាគីរងគ្រោះនឹងនៅសល់លុយថែមទៀតផង ។ លោកថាក្នុងមួយជីវិតរបស់លោកទើបតែជួបក្នុងករណីខាងលើលើកទី១ដោយវិះនឹងគ្រោះថ្នាក់ថែមទៀតពី សំណាក់អ្នកភូមិនោះរហូតដល់ជិតពាក់កណ្តាលអធ្រាត្រ ទើបរូបលោកបានត្រឡប់មកដល់អង្គភាពវិញ ៕
ចែករំលែកព័តមាននេះ