បន្ទាប់ពីការស្លាប់របស់ជនអន្តោប្រវេសន៍លួចលាក់៤០០នាក់កាលពីសប្តាហ៍មុនក្នុងសមុទ្រមេឌីទែរ៉ាណេមក សោកនាដកម្មថ្មីមួយប្រហាក់ប្រហែលគ្នាហាក់ដូចជាកើតមានក្នុងសមុទ្រនេះដែរនៅចន្លោះប្រទេសលីប៊ី និងឆ្នេរសមុទ្រអុីតាលី ។
ស្នងការជាន់ខ្ពស់ អ.ស.ប ទទួលបន្ទុកខាងជនភៀសខ្លួន HCR គូសបញ្ជាក់នាថ្ងៃទី១៩ មេសាថា ការលិចនាវាមួយគ្រឿងដឹកជនអន្តោប្រវេសន៍បានលិចក្នុងឆ្នេរសមុទ្រលីប៊ី ហើយមនុស្ស៧០០នាក់អាចត្រូវស្លាប់ ។ នាវានោះបានលិចនៅកន្លែងមួយស្ថិតនៅចម្ងាយប្រមាណ១១០គីឡូម៉ែត្រពីឆ្នេរសមុទ្រលីប៊ី ជាមួយមនុស្សជិះក្នុងនោះជាង៧០០នាក់ ។ នេះជាការរៀបរាប់របស់ពួកអ្នកនៅរស់រានមានជីវិត២៨នាក់ដែលជួយស្រង់ដោយនាវាដឹកទំនិញ១គ្រឿង ៕
ចែករំលែកព័តមាននេះ