ខេត្តសៀមរាប៖ នៅព្រឹកថ្ងៃ៩រោច ខែចេត្រ ឆ្នាំមមី ឆស័ក ព.ស២៥៥៨ ត្រូវនឹងថ្ងៃទី ១២ មេសា ២០១៥ ព្រឹកមិញនេះ នៅមុខប្រាសាទអង្គរវត្ត មានរៀបចំធ្វើពិធីបួងសួង សុំសេចក្តីសុខសប្បាយពីម្ចាស់ទឹកម្ចាស់ដី និងបារមីអ្នកគង់ប្រថាប់
ខេត្តសៀមរាប៖ នៅព្រឹកថ្ងៃ៩រោច ខែចេត្រ ឆ្នាំមមី ឆស័ក ព.ស២៥៥៨ ត្រូវនឹងថ្ងៃទី ១២ មេសា ២០១៥ ព្រឹកមិញនេះ នៅមុខប្រាសាទអង្គរវត្ត មានរៀបចំធ្វើពិធីបួងសួង សុំសេចក្តីសុខសប្បាយពីម្ចាស់ទឹកម្ចាស់ដី និងបារមីអ្នកគង់ប្រថាប់ថែរក្សាការពារនៅលើទឹកដីប្រវត្តិសាស្ត្រអង្គរ ឱ្យតាមជួយថែរក្សានៅក្នុងកិច្ចដំណើរការនៃព្រឹត្តិការណ៍អង្គរសង្ក្រាន្តឆ្នាំ២០១៥ នៅក្នុងតំបន់អង្គរឲ្យប្រព្រឹត្តទៅប្រកបដោយជោគជ័យ ។
ពិធីបួងសួងនេះបានប្រព្រឹត្តទៅក្រោមអធិបតីភាពលោកជំទាវបណ្ឌិត ម៉ែន សំអន ឧបនាយករដ្ឋមន្ត្រី និងជារដ្ឋមន្ត្រីក្រសួងទំនាក់ទំនងព្រឹទ្ធសភា រដ្ឋសភា និងអធិការកិច្ច លោកឧបនាយករដ្ឋមន្ត្រី យឹម ឆៃលី ដែលជាតំណាងដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា ។
ក្នុងពិធីនោះដែរក៏មានវត្តមានអញ្ជើញចូលរួមពីសំណាក់ ឯកឧត្តម លោកឧកញ៉ា លោកជំទាវ ជាសមាជិកព្រឹទ្ធសភា រដ្ឋសភា និង រដ្ឋមន្ត្រីរដ្ឋលាខាធិការ អនុរដ្ឋលេខាធិការ ក្រុមប្រឹក្សាខេត្ត គណៈអភិបាលខេត្ត ថ្នាក់ដឹកនាំមន្ទីរ មន្ត្រីរាជការ និង ភ្ញៀវជាតិ អន្តរជាតិផងដែរ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ